Baraualdiaren hasieratik 19 egun bete direnean, Fresnesko espetxean dauden euskal preso politikoek atzo, hilak 29, eman diote amaiera gose grebari. Euren senideek Etxerati azaldu diotenez, kartzela horretako zuzendaritzak Itziar espetxez aldatuko dutela ziurtatu ondoren hartu dute erabaki hori, kartzela aldaketa horrek "protesta abiatu zuen isolamendutik ateratzea ekarriko baitu".
Gose greba eta janariari ukoak amaitutzat eman dituzte baita Fresneseko emakumeen moduluko Itziar Moreno, Ekhiñe Eizagirre eta Iratxe Sorzabal euskal presoek atzo goizean. Alta, Iratxe Sorzabal eta Ekhine Eizagirre mitarrean geldituko dira Itziar Morenoren trasladoa gauzatu arte. Espetxeko zuzendaritzak Moreno beste emakumezko euskal preso politikoak dauden kartzela batera lekualdatuko dutela hitz eman du.
[2016-05-27] Babesa Fresnesera
[2016-05-24] Gose greba hasi du Itziar Moreno euskal presoak Fresnesen