1996tik Joko Paraolinpiarretan sailkatu gabe zegoen Espainia 2011n lortu zuen arte. "Ikaragarria izan zen saikapena lortzea eta 2012an Londresen egotea", Asier Garciaren (Bilbo, 1981) hitzetan. "Ordezkatzen duzunagatik baino, norbere esfortzuagatik" batez ere. Joko Paraolinpiarretan parte hartzea "kirol mailan dagoen lorpenik handiena da. "Saria". Behin joatea "itzela" izan bazen, bigarrenez joatea "ametsa" da. Londresen lortutako bosgarren postua hobetzea du amets.
Gurpil-aulkiko saskibaloi partiduak Rioko Arena Carioca 1 eta Arena Olimpica egoitzetan jokatuko dira irailaren 8tik 17ra bitartean.
Lau euskaldun 4.350 kirolariren artean
Brasileko XV. Joko Paraolinpiarretan guztira lau euskal kirolari lehiatuko dira. Asier Garciarekin batera, Rakel Mateo (triatloia), Amador Granados (errepideko eta pistako txirrindularitza) eta Iñigo Llopis (igeriketa), hain zuzen ere.
Guztira, desgaitasun fisiko edo intelektualen bat daukaten 175 herrialdetako 4.350 kirolari lehiatuko dira.
Jokoek iraungo duten 11 egunetan, 528 proba jokatuko dira; horietatik 264 gizonezko probak izango dira, 226 emakumezko probak, eta 38 proba mistoak. Norgehiagokak 20 egoitzetan antolatuko dira, Rioko lau esparrutan banatuta: Barra (12), Deodoro (3), Copacabana (3) eta Maracana (2).
[2016-09-07] Lau euskal kirolari lehiatuko dira Brasilen XV. Jojo Paralinpikoetan
[2016-06-02] Asier Garcia, Bidaideak Bilbao BSR: “2012tik taldeak ez dio hazteari utzi”