Twitteren @erreharria izenenarekin zabaldutako sei mezurengatik atxilotu zuten Alfredo Remirez 2015eko maiatzaren 19an. Sarean terrorismoa goraipatzea eta biktimak umiliatzea egozten diote, eta hurrengo astelehenean, otsailak 27, ekingo diote bere aurkako epaiketari Espainiako Auzitegi Nazionalean. Bi urteko kartzela zigorraz gain, bost urteko zaintzapeko askatasuna eta hamasei urteko inhabilitazioa eskatzen diote.
'Armiarma operazioaren' baitan auziperatutako Remirez eta gainerako 'txiolariaen' absoluzioa exijitzeko, adierazpen askatasuna defendatzeko eta 'Mozal legearen' desagerpena eskatzeko elkarretaratzea izango da 20:00etan Bilbo Zaharreko enparantzan, Alfreedo Plataformak deituta. “Estatu espainolean adierazpen askatasuna gutxi batzuentzako luxu bat” bihurtu dela salatu plataformako kideek.