Bideojokoak eta euskara uztartzeko hasiera puntua

uriola.eus 2018ko mai. 8a, 12:50

Bideojokoen munduan ere bada euskaraz aritzeko interesa duen jendea. Lagun horien arteko sinergiak bilatu eta sustatu nahi ditu larunbateko Jokoteknia jardunaldiak.

Bertan sor daitezkeen ideiei bide emateko hasiera puntua izango da Game Erauntsia elkarteak eta Azkue Fundazioak Azkuna Zentroan antolatutako egitasmoa. Topaketa bat, bideojokoetan aritzen diren euskaldunei ikusgarritasuna emateko. Aditu, jokalari, ikasleak... biltzeko eta bideojokoak eta euskara uztartzeko.

Ez dira ugariak euskarazko bideojokoak. Izan ere, euskara hizkuntza gutxitua izaki, ez du bideojokoen enpresa handien interesa pizten. Horregatik diote aditu batzuk, zenbakiak egiterako orduan, euskal komunitateak arazoa duela. Beste aditu batzuk, ordea, onura dela irizten diote. Bi ikuspuntu hauek azalduko dituzte jardunaldian Euskal Encounterreko Cristian Rodriguez Landeirak eta Pantumacako Carlos Coronado Muñozek, hurrenez hurren.

Julen Zaballa kazetariak, berriz, Euskal Herrian eta Estatuan bideojokoen industriak duen indarra izango du hizketagai. Egun, Katalunian eta Madrilen kokatzen dira sektorearen indargune nagusiak, eta ikusteko dago, sektorea norantz saretuko den hurrengo urteetan.

Izena emateko aukera

Bideojokoetan eta euskaran interesa duen orok parte har dezake jardunaldian. Izen-ematea doakoa da, eta oraindik aukera dago jokoteknia.eus web gunean.

Egitaraua

09:15 Lokalizazioa edo itzulpengintzaren 'boss stagea'

Iker Alvarez Castellanos (Pokemon, Japonia)

09:50 Bideojoko garapena: 'The good, the bad, the ugly'

Txus Ordorika

10:25 Euskararen zenbaki arazoak

Cristian Rodriguez Landeira [Euskal Encounter]

11:00 Del local al global: beneficis d'implementar el euskera i català en infernium

Carlos Coronado Muñoz [Pantumaca]

11:35 Atsedenaldia

12:10 Euskal bideojokoen hasi-masiak

Julen Zaballa Garcia