uriola.eus

Deustu eten dute grebalariei babesa emateko

 Deustualdea
Urtzi Martinez eta Jon Telletxearen absoluzioa eskatzeko, ibilgailu asko dabilen orduan, 18:30 eta 18:50 bitartean, trafikoa geldiarazi dute hainbat herritarrek Deustuko etorbide nagusian, Agirre lehendakariaren kalean, San Pedro plazaren parean.

 

Grebalariak aske! plataformako kideek beste ekintza ikusgarri bat burutu dute. Deustualdeko Urtzi Martinez eta Jon Telletxearen adsoluzioa eskatu dute Deustuko etorbide nagusia, sei erreikoa, arratsalde erdian.

Ibilgailu askok gurutzatzen dute Deustu, lanetik etxera bidean, 18:00 eta 19:00 bitartean. Gaur, baina, geldi eman dituzte 20 minutu, zain, elkarri eskua eman eta giza hesia osatuta, trafikoa eten dutenean 150 lagunek. Ez da istilurik izan protestaldian. Lehen sirena hotsekin bidea moztu duten lagunek alde egin dute.

"Grebalariak aske", "grebalariak aurrera" eta "Urtzi, Telle herria zuekin" oihuak ozen entzun dira bozina hots artean.

Ekintza ugari

Ehunka herritarrek egin zuten Jesusen Bihotzetik Plaza Biribilera arteko ibilbidea atzo arratsaldean Urtzi Martinez eta Jon Telletxeari elkartasuna adieraziz. Bi gazteek laster kartzelan sartzeko agindua jasoko dute. 2012ko martxoaren 29ko greba orokorrean pintadak egiteagatik 15 hilabeteko espetxe zigorra bete beharko dute. Mozorroaren astungarria onartuta, zigorra gogortu die Bizkaiko Probintzia Auzitegiak.

Aurreko astean, berriz, plaza Eliptikoan Bilbobus autobusen gainera igo eta bengalak piztu zituzten.

 

[2014/06/16] Grebalariak Aske! plataformak gaur emango ditu hurrengo mobilizazioen xehetasunak

[2014/06/17] "Herri baten eskubideen defentsan kaleak hartzeagatik kartzela zigorrari aurre egin beharko diote Urtzi eta Tellek"

[2014/06/18] Deustuko bi grebalariak espetxeratu ez ditzaten ekimen ikusgarria egin dute plaza Eliptikoan 

[2014/06/25] Bilbo mailako manifestazioa egingo dute gaur gazte grebalariei babesa emateko

[2014/06/26] Grebalarien absoluzioa eskatu dute Bilboko kaleetan

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa