uriola.eus

Josu Muguruza omentzeko egitarau zabala astebururako Errekalden

  Politika  Errekalde

30 eta 25 urte bete ziren atzo Santi Brouard eta Josu Muguruza erail zituztenetik. Urtero legez, senide eta lagunen omenaldia jaso zuten Ametzolan eta Errekalden. Hala ere, 25 urteurren honen arira, Errekalden egitarau zabala prestatu dute Muguruza gogora ekartzeko. Gaur, Teresa Toda, Elena Bartolome eta Julen Aginakorek hitzaldia emango dute.

Azaroaren 20a gorriz markatuta dago euskaldun askoren egutegian, Santi Brouard eta Josu Muguruzaren heriotzaren urtemuga baita. Atzo, 30 eta 25 urte bete ziren haien erailketatik eta urtero legez, Ametzolan eta Errekalden omenaldia jaso zuten Herri Batasuneko kide eta parlamentari izandakoek.

Hala ere, Josu Muguruza hil zutenetik 25 urte bete direnez; Errekalden, bere auzoan, ekimen bereziak antolatu dituzte. Oraingo honetan, urteurrena borobila dela eta, ohi baino gehiago.

Lander Iruin eta Markel Andiak ‘Zohardia’ izeneko dokumentala estreinatu zuten azaroaren 17an bere omenez. Bertan, Josuren figura "berreskuratu eta ezagutaraztea" dute helburu eta atzo, arratsaldeko 19:30ean Errekaldeko Udaltegian dokumentala proiektatu zuten.

Gaur, azaroak 21, 19:30ean, Teresa Toda, Elena Bartolome eta Julen Aginakorekin, hitzaldia egongo da Errekaldeko Udaltegian. Eta bukatzeko, larunbatean, azaroak 22, 13:00etan, omenaldi berezia egingo diote auzoko plazan.

[2014/11/14] Santi Brouard eta Josu Muguruza gogora ekarriko dituzte haien heriotzaren 30 eta 25. urteurrenean

[2014/11/17] ‘Zohardia’: Josu Muguruza berreskuratu eta ezagutarazteko dokumentala

[2014/11/20] Brouard eta Muguruza gogora ekarriko dituzte egitasmo ezberdinekin

[2014/11/20] "Santi eta Josuren konpromiso altruista bizirik iraunarazteko"

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa