uriola.eus

Errekaldeko kiroldegiko errugbi zelaiak badu tribuna estali berria

  Kirolak  Errekalde

Zelai horretan jokatzen duen Universitario Bilbao Rugby taldea ikustera joaten diren ikusleek tribuna estali berria edukiko dute hurrengo partiduan. Klub hori kirol horretako bakarra da hirian, 350 jokalari ditu, 6 eta 52 urte bitartekoak, eta Euskadin fitxa gehien duen taldea da.

Errekaldeko kiroldegiko errugbi zelaiko tribuna berria garaipenaren zeinua den “V”a gogorarazten duen triangelu formakoa da eta errugbi zelaiko iparraldean dago, A8 autobidearen ondoan dagoen partzelaren mugan. Estalki inklinatu hau harmailaren ondoan dago eta ikusleak babestuko ditu murruaren atzealdean dauden eskaileratik eta arrapalatik haien eserlekuetaraino.

Jarduketa hau herritarrek beraiek eskatutakoa da. Izan ere, proiektua “Parte-hartze bidezko Aurrekontuetan” jasota dago. Aurrekontuok herritarren eskariei erantzutea dute helburu eta 2019ko aurrekontu orokorretan 2 milioi euroko dotazio ekonomikoa daukate.

Universitarioaren harrobian 12 urte baino gutxiagoko 100 haur ere badira. Gainera, talde inklusibo bat ere badu, 20 lagunek osatua, haietatik 10, dibertsitate funtzionala dutenak. Euskadin, errugbiaren esparruan, talde inklusiboak dauzkaten 4 talde baino ez daude.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa