Errekaldeko Etxarri II Gaztetxea hustu dute ertzainek. Auzoan kokatuko den proiektu urbanistiko berri batek gaztetxearen kontrako desalojo agindua gaurko, hilak 4, 9:00etarako zegoen iragarrita. Atzo arratsaldean Ertzaintza eremura gerturatu zen eta kontrolpean izan du desalojoa burutu arte. Gaztetxearen barruan lau gaztek igaro dute gaua, eta goizeko 10:00etan haienganaino iritsi dira. Ertzaintzak ez ditu atxilotu eta bertatik joan dira bere kabuz.
Goizeko 7:00etatik, hainbat gazte hurbilu dira gaztetxearen kanpoaldera hustearen kontra protesta egiteko eta aldarrikatzeko. Txistuez aparte, oihu hauek hartu entzun izan dira goiz osoan zehar: «Jazarpen polizialari aurre egin!», «Aupa gazteak, zuekin gaude» eta «Gazte langile, ez zaitez makurtu!». Gaztetxearen barruan zeuden kideek sare sozialetan jakinarazi dute goizeko 8:00etan alboko eraikinetik sartzeko ahalegina egin dutela baina ez dute lortu. Desalojoaren ondoren, gaur arratsaldeko manifestazioaren berri eman dute: 19:00etan Ametzolako tren geltokitik.
Etxarri II Gaztetxearen eremua atzo arratsaldetik hasi ziren kontrolatzen ertzainek, hori dela eta arratsaldeko 20:30ean manifestazioa egin zuten Errekaldeko osasun zentrotik eta istiluak sortu ziren. Ondorioz, bost atxilotu eta 10 zauritu egon ziren.
