uriola.eus

Ezezagun batzuk Artxandan dagoen mural antifaxista eraso dute

Erabiltzailearen aurpegia   Politika

Espainiar gudarostearen zati batek kolpea eman eta 83 urtera ezezagunek pintaketak egin dituzte Bilboko Artxandan dagoen muralari, Sare Antifaxistak salatu duenez.

Txio bidez salatu du Sare Antifaxistak duela bi egun margoketak egin dituztela Artxandako Oroimen Historikoaren mural antifaxistan. Argazkietan ikus daikteenez, mezu iraingarriak eta 1936ko kolpe antidemokratikoarekin zerikusia dutenak idatzi dituzte muralaren gainean, hala nola "Pasa ginen, eta berriz pasa gara" edo "gorri nazkagarriak, hiltzaileak".

Sare Antifaxistak gogorarazi du duela bi urte antzeko zerbait gertatu zela Aztarna monumentuarekin. Orduan ikur falangista handi bat margotu zioten gudarien omenez egindako oroigarriari. Iñigo Urkullu lehendakariak eta Juan Mari Aburto Bilboko alkateak eraso hori gaitzetsi zuten. Sarearen aburuz baina, "udaletxearen eta klase politikoaren inaktibitateak, nazi-faxisten ekintzak sustatzen ditu",  eta bi urte geroago gertaturikoa da horren erakusle bere ustez.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa