Felipe VI.ak Espainiako Estatuko autonomia erkidegoetan barrena itzulia burutu nahi du uztaila bukaerarako. Ostiral honetan Kataluniara jotzeko asmoa zuen, baina alderdi eta eragile sozial independentistek antolatutako protesten ondoren, jomuga aldatu du: Bilbora etorriko da goizean eta Gasteizera arratsaldean, enpresariekin biltzera. Iñigo Urkullu lehendakariak lagunduko dio egun osoan zehar.
Borboi familiak Bilbon emango du uztailaren 17 goiza. 11:30ean Bilboko Guggenheim museora joango dira eta ordubete beranduago Arte Ederren museora. Hemen, Confebaskeko enpresariekin bilera egingo dute.
Arratsaldean Gasteiza joango dira: San Prudentzio Fundazioaren egoitza berria ezagutuko dute 16:30ean. Fundazio hori Arabako 400 enpresak osatzen dute.
