"Auzoaren beharrei kolektiboki erantzun nahian" okupatu zuten 2014ko udan egun Etxarri Gaztetxea izenez ezaguna den espazioa. 2016ko azaroan Bilboko Udalak gaztetxea ixteko agindua luzatu zuen, espazio horrek "segurtasun-neurriak betetzen ez zituela leporatuta". 2018ko martxoan ordea, gaztetxea "berreskuratzea" lortu zuten.
Urriaren hasieran jaso zuten berriz lekua husteko agindua, gaurko iragarrita zegoen eta gaur goizean horretan ari da Ertzaintza, gaztetxeko kideek jakinarazi dutenez.
"Indarrak batu, Etxarri Gaztetxea defendatu" lelopean, kontzentrazioa egin zuten ostegunean.