Argia

Iheslari sahararrari asteartean amaituko zaio Euskal Herrian egoteko epea eta erabaki horren aurka hainbat kolektibo eta herritar elkartu ziren larunbat arratsaldean. Bilbon egin zen manifestazioan 2000 lagun inguru elkartu ziren Hassana Aalia gazte sahararraren alde.

Fausto pertsonaia klasikoaren azalean sartzeko proposamena egin digu Galder Perezek bere azken lanean. Fausto, herritar eredugarria. Jatorrizko antzezlana, Bilboko Pabellon 6 aretoko sormen laborategian sortu zen, gaztelaniaz, baina euskaraz ere estreinatuko da, datorren urtarrilaren 29an Donostiako Antzoki Zaharrean, Korrika Kulturalaren egitarauaren baitan. Fredi Paiak egin du itzulpena. Entseguan harrapatu dugu Galder Perez zuzendaria, urduri, azken ukituak direla-eta.

Gizarte gaiak ditu ardatz Thinking Football jaialdiak, futbola eta zinema uztartzen dituen egitasmoak. Athletic Club Fundazioak eta BBK aretoak antolatua, otsailaren 9tik 15era bitartean ospatuko da 3. edizioa.

Elkasko ikerketa historikorako elkarteak txosten bat egin du, Bilbo Handiko emakumeen frankismo garaiko bizipenak biltzen dituena. 1914 eta 1963 bitartean jaiotako 21 pertsonaren adierazpenetan oinarritu dira, gehienak emakumeak.

'Syrizarekin', Syrizaren aldeko plataformak Greziako hauteskundeekin bat eginez elkarretaratzea egingo du igandean eguerdiko 12:00etan Arriaga antzokiaren aurrean.

'Syrizarekin', Greziako Syriza alderdi ezkertiarraren aldeko plataformak igandean herrialde hartan egingo dituzten hauteskundeekin bat eginez elkarretaratzea deitu du. Igandean bilduko dira eguerdiko 12:00etan Arriaga antzokiaren aurrean.

2011ko irailaren 21ean hustu zuten Kukutza Bilboko Errekalde auzoko eraikin okupatua. Era bortitzean oldartu zen Ertzaintza eraikin barruan erresistentzia egin zuten gazteen aurka. Gaur oraindik epaiketen zain jarraitzen dute 44 lagunek.

Urtarrilaren 12an Guardia Zibilak eta Espainiako Poliziak Bilboko Errondabide tabernatik 14.000 euro inguru eraman zituela salatu dute. Langileei eta hornitzaileei ordaintzeko dirua zela eta Espainiako Auzitegi Nazionalean salaketa jarriko dutela jakinarazi dute prentsaurrekoan.

Maria del Mar Rodriguez Alonso, Gürtel auzian inputatua, hilda aurkitu dute astearte arratsaldean Bilboko hotel batean. Sortzez bilbotarra, Madrilen bizi zen Rodriguez Alonso, Espainiako Senatuan PPko bozeramaile albokoa den Tomas Burgos Betetaren emaztea.