Argia

Javier Muñoz Basurtu auzoko bilbotarra da eta hiriko bizilagun elkarteen federazioko presidentea. Besteren artean, hiriaren eraldaketak auzoetan izan duen eragina eta etxegabetzeen afera izan ditu mintzagai Eldiario.es-ek egindako elkarrizketan. Adierazpen interesgarrietariko batzuk ekarri ditugu hona:

Gaur aurkeztuko ditu Bilboko Udalak alegazioak Jone Artola Aste Nagusiko txupinera izateko debekuaren aurka. Debekua Carlos Urkijo Espainiako Gobernuko ordezkariaren eskaeraren ostean etorri da, Bilboko Administrazioarekiko Auzien Auzitegiak hala erabakita.

Etxebizitzaren arazoa salatzeko okupatu zuten eraikina eta larunbatean egin zuten publiko etxe okupatuko “errealitate berria”. Egun gutxiren buruan pertsona guztiek gozatzeko espazioa ireki nahi dute.

Bilboko branka proiektuak ibilbidea eten du, "garai ekonomiko zailek" behartuta. "Bidean ahaleginak eta bi egin arren, ez dugu izan haren bideragarritasuna ziurtatzerik", azaldu dute sustatzaileek.

Mahai-inguruak, eztabaidak, erakusketak eta tailerrak egongo dira Basauriko Marienean eta larunbatean jaia izango da Bilboko Sildabia tabernan. “Heteropatriarkatuaren eta kapitalaren aurrean lesbianismo erradikala” goiburupean antolatu dituzte jardunaldi lesbianista hauek.

25 urte bete dira Bernardo Atxagaren Obabakoak ipuin bilduma argitaratu zela. 1988an, Erein argitaletxearen eskutik kaleratu zen, gerora munduko hainbat hizkuntzatara itzuliko zen liburua.

Emakumeen Mundu Martxak, Euskal Herriko hainbat kolektibo feminista biltzen dituen plataformak, Mauren Ada Ortuya eta Jenny Sofía Revolloren hilketek hedabideetan izandako tratamendua gogor salatu du. Hiltzailearen arrazoiak bilatzen saiatu direla dio, eta biktimak estigmatizatu dituztela.

Ogasunak Guggenheim museoari lau artelanen inportazioagatik kobratu zion BEZa itzuli beharko diola ebatzi du Espainiako Auzitegi Gorenak, Auzitegi Nazionalaren epaia berretsiz.

Bilbao Ria 2000 enpresa publikoaren defizitak finantza “crack” bat sortu aurretik neurriak hartu behar direla esan du Jose Luis Bilbao Bizkaiko ahaldun nagusiak.