Argia

“Auzoko Laratzak” izeneko transmedia proiektua osatu nahi dute Bilboko San Frantzisko auzoko oraina iraganarekin uztartuz. Itxaso del Castillo algortarrak sortu eta zuzenduko duen ekimenak webgunea, dokumentala, ekitaldia eta aplikazioa bilduko ditu.

Loreak eskainiko dizkiete Bilbon Santi Brouardi eta Josu Muguruzari eguerdian. Herri Batasuneko bi kideak hil zituztenetik 29 eta 24 urte pasa dira hurrenez hurren.

Krisitik babesteko asmoz, bertakotasuna eta jasangarritasuna sustatzea helburu duen tokiko txanpona jaiotzear da. Ekhi 2014ko urtarrilean jarriko dute martxan Bilboko Zazpikaleetan. Txanpona Bizkaian hedatzen joatea da asmoa, tokian tokiko lantaldeak sortuz.

Dozenaka eragilek egin dute bat faxismoaren, xenofobiaren, homofobiaren eta arrazakeriaren aurka larunbatean Bilbon deitutako manifestazioarekin. 18:00etan abiatuko da Moyua plazatik.

Ekonomia ekologikoa eta ekologia politikoaren ikuspegia zein proposamenak ezagutarazteko bi eguneko jardunaldiak egingo dira Bilbon, aste honen amaieran. Hainbat adituren hitzaldiak, mahai-inguruak eta dokumental baten proiekzioa uztartuko ditu EHU, Ekologistak Martxan eta Ekopolek elkarlanean antolatutako ekimenak.

Bilboko lau herritar iazko martxoaren 29ko greban ustez Ertzaintzari eraso egiteagatik epaituak izango dira hurrengo astean. Fiskaltzak guztira 42 urteko espetxe zigorra eskatzen du haietako hirurentzat. Honen aurrean Grebalariak aske! Plataformak mobilizazioak deitu ditu.

Espainiako Auzitegi Nazionalak agindu du Bilboko Aste Nagusian konpartsek euskal presoen alde antolatu dituzten ekitaldiak grabatzeko, haietan “terrorismoa goratzen” ez dela ziurtatzeko.

Javier Muñoz Basurtu auzoko bilbotarra da eta hiriko bizilagun elkarteen federazioko presidentea. Besteren artean, hiriaren eraldaketak auzoetan izan duen eragina eta etxegabetzeen afera izan ditu mintzagai Eldiario.es-ek egindako elkarrizketan. Adierazpen interesgarrietariko batzuk ekarri ditugu hona:

Gaur aurkeztuko ditu Bilboko Udalak alegazioak Jone Artola Aste Nagusiko txupinera izateko debekuaren aurka. Debekua Carlos Urkijo Espainiako Gobernuko ordezkariaren eskaeraren ostean etorri da, Bilboko Administrazioarekiko Auzien Auzitegiak hala erabakita.

Etxebizitzaren arazoa salatzeko okupatu zuten eraikina eta larunbatean egin zuten publiko etxe okupatuko “errealitate berria”. Egun gutxiren buruan pertsona guztiek gozatzeko espazioa ireki nahi dute.