Bilboko gizonei Bilbobusa erabilteko deia egin deutsie

Erabiltzailearen aurpegia

Bilboko udalak uriburuko gizonei Bilbobusa erabilteko deia egin deutse. Udalak Bilbobus zerbitzuaren joan dan urteko balantzea aurkeztu dau. Bilbobuseko erabiltzailearen perfila honakoa da: 30 eta 64 urte bitarteko emakumea. Bilbo barruan egiten diran joan etorri guztien bilbotarrek kotxez egiten dabez. Horretarako autoa hartzen daben gehienak gizonezkoak dira. Asier Abaunza garraioetarako zinegotziak berba egin dau gai horren harira. Bilbobusean gehien erabilten diran lineak 56a (La Peña-Jesusen Bihotza) eta 77a (Peñascal-Mina del Morro) dira. Gitxien erabilten diranak goiko auzoetako lineak. Bilbobusa astegunei ...

FAGOReko beharginek euren aportazinoetako dirua eskatu deutse Markaideri

Erabiltzailearen aurpegia

EDESAko beharginek Fagorrek zor deutsen aportazinoen dirua aldarrikatu dabe. Basauriko eta Arrasateko lantegietako beharginek kontzentrazinoa egin eben atzo Elorrion Ordaindu eta Eskuratu plataformek deituta. EDESAko beharginak ez dabez MCC taldeko beste lanpostutan kokatu eta arduratuta dagoz. Mikel Olabe Ordaindu plataformako kidea dogu. Ordaindu plataformak Fagorreko 770 behargin ordezkatzen dauz eta Eskuratu plataformak 350 langile. Guzti honeei Fagorrek aportazinoetan 50 milioi euro zor deutsez. Dirua berreskuratu nahi dabela esatera Eroski taldeak Elorrion daukan egoitza nagusira joan dira. Mikel Olabe. FAGORek ez ...

Laukizen, domekan, Mendiko Bizikletaren Eguna ospatuko dabe.

Erabiltzailearen aurpegia

Kirol ekitaldia goizeko 10etan hasiko dabe eta izena emotea doakoa izango da. Orduan dorsalak bananduko dabez eta probaren ostean jatekoa eta edatekoa egongo da. Zirkuitu bi egongo dira bat 6 kilometrokoa eta bestea 12koa. Salva Artatza, Laukizko alkateak datu gehiago emon deuskuz. Laukizko udalagaz batera Euskadi Fundazinoak be antolakuntzan hartzen dau parte. Miguel Madariaga fundazinoko presidenteak euskal txirrindularitzaren sasoi gatx honeetan proba honek arnasgunea dakarrela dino.
 

Unai Rementeria Lau Haizetara irratsaioan

Erabiltzailearen aurpegia

Denporaleak Bizkaian eragindako kalteak, orain arte zenbatutako kalteak, hamalau milioi euro ingurukoak izan dirala gogoratu deusku Bizkaiko Foru Aldundiko bozeroaleak. Astelehenean Bilbon kaputxadun batzuk emondako irudiaz be bere eretxia emon deusku Rementeria presidentzia diputaduak. Bestalde, bihar Emakumearen Nazinoarteko Eguna ospatuko dala- eta, egun horretaz be egin dogu berba Unai Rementeriagaz.

Bardintasunaren aldeko pausuak aldarrikatu dauz Emakundek

Erabiltzailearen aurpegia

Bardintasunaren ikurra ikusi daiteke Emakundek Emakumearen Nazinoarteko Egunerako prestatu dauen kanpainan. Zapatuan ospatuko da Emakumearen Nazinoarteko Eguna eta egun horri begira egindako kanpainaren barri emon deusku Lau Haizetara irratsaioan Emakundeko zuzendariak, Izaskun Landaidak.

Leioan martiaren 19an berbodromoa egingo dabe

Erabiltzailearen aurpegia

Martiaren 19an Leioan euskerearen erabilerea bultzatzeko berbodromoa egingo dabe. Sakoneta kiroldegiko frontoian alkar ezagutzen ez diran Leioako bizilagunek euskeraz berba egiteko aukerea eukiko dabe, horretarako beren beregi prestauko dan ekimenean. Lamia AEK-k, Mastitxu udal euskaltegiak eta Leioako udalak antolatutako berbodromoan izena emoteko emaila, honakoa: leioa_berba@aek.org Nerea Gijarrubia Leioako berbalagun egitasmoko koordinatzailea dogu. Datorren asteko eguaztenean, berbodromoan hiru gai landuko dabez: oporrak, Leioa eta Euskerea zein Zaborren Auzia. Nerea Gijarrubiak esan deusku urte batzutatik hona Leioan euskerearen erabilerea indartuz ...

Muxikan, Ibarruriko mendi martxan 400 lagun batu gura dabez

Erabiltzailearen aurpegia

Martiaren 16an Ibarruriko mendi martxea egingo dabe. Igaz ia 400 personak hartu eben parte eta aurten kopurua hobetu gura dabe. Goizeko 08:30etan 15 kilometroko martxa laburrak eta 23 kilometroko martxa luzeak urtengo dabe. Domeka horretan, goizeko 10etan mendi lasterketarako sasoia izango da. Lander Bereziartua antolatzaileak azaldu deusku mendi lasterketak Muxikako auzo ugari zeharkatuko dauzela. Ibilbidean zehar jan edana egongo da eta parte hartzaile bakotxari kamiseta bat oparituko jako. Izena emoteko azken eguna martiaren 12a izango da. Internetez izena emoten ...

Laneko, Bizkaiko sagardau ekologikoa

Erabiltzailearen aurpegia

Gizaburuagan dagoen Laneko kooperatibeak egiten dau. 1996an eratu eben kooperatibea. Sagar ekologikoak erabilten ditue ekoizpenerako, eta horrez gain sagardaua egiteko prozesuan be baldintza zehatz batzuk bete behar ditue, araudiak bete behar dira. Urtean 80.000 litro inguru ekoizten ditue danetara, eta hortik 2.000 litro inguru dira ekologikoak.  

Gurutzetako ospitalean umeentzat zabaldu daben errehabilitazino zentrotik 40-50 ume igaroten dira egunero

Erabiltzailearen aurpegia

Honelako gela bat zabaltzeko beharrizana egoala esan deusku Lau Haizetara irratsaioan Maider Goenetxea fisioterapeuteak. 40-50 umeri laguntzen deutse egunean. Txikienak jaiobarriak dirala esan deusku Goenetxeak.

Santurtzin turismoak %6 egin dau gora

Erabiltzailearen aurpegia

Joan dan urteko turismoa datuak ikusita, pozik dago Santurtziko Udala. 21.800 pertsonak bisitau dabe udalerria. Danel Bringas kultura zinegotziak azaldu dauenez, udan joaten da jenterik gehien. Gainera, Itzuli Portura kanpaineak eragin handia izan ei dau. Turismoaren gorakadea %6koa izan da, Santurtzin, eta merkataritzeak be igarri dauela esan deusku Bringasek.