Irabazi opariak Bizkaia Irratian

Erabiltzailearen aurpegia

Apirilaren 4ra bitartean makina bat opari eder zozketatuko dogu entzuleen artean, egunean zehar zabaldutako tarte berezietan parte hartu ezkero. Astero bazkari-afariak, egotaldiak nekazalturismoetan eta abar. Apirilaren 4an zozketa nagusia lehiaketan parte hartu eta erantzun zuzenak emondakoen artean: astebeteko egotaldia Costa Doradan, lagun birentzako. Egunean zeharreko irratsaioetan telefonoa zabalduko jake entzuleei tarteka, itaunak eginez. Erantzun zuzenak emondakoak asteroko oparien zozketan eta apirilaren 4koan sartuko dira. Hartu parte eta irabazi opariak Bizkaia Irratian!

Idom enpreseak munduko eguzki teleskopiorik handienarentzat domoa egin dau

Erabiltzailearen aurpegia

Teleskopioa egitura handi bat da, pieza asko daukoz eta horreek babesteko egin dabe domoa Lander Bilbao Idomeko Kontrol Sistemetako arduradunak Lau Haizetara irratsaioan esan deuskunez. Domoa Hawaira eroango dabe, Mauira.

De la Bodega, matematika txapeldun

Erabiltzailearen aurpegia

Euskadiko Olinpiada Txapelketea irabazi dau Javier De La Bodegak. Igaz hirugarren geratu zan, eta aurten txapeldun. Orain, Valentzian lehiatuko da, Espainiako Txapelketako finalean. Hil honen amaieran. Javier de la Bodega DBH-ko ikaslea da Erromo-Artatza ikastetxean, Leioan. Amaia Uriarte irakasleagaz eta Itziar Agirre zuzendariagaz batera aurkitu dogu ikastetxean. Irakasleak pozik dagoz, ze holako gaitasuna daukien ikasleak ez dira aurkitzen sarri. Gainera, oso zabala ei da laguntzeko, nahi ta batzuetan eskolan aspertu. Espainia mailan lehenengo seiretan sailkatzen bada, Estatu Batuetara joango da.

Getxon zapatuan Maialen Aulestia neskatoari laguntzeko lasterketa solidarioa

Erabiltzailearen aurpegia

Getxoko Punta Galea txirrindulari taldeak zapatuan gaixotasun arraro bat dauan ume bat laguntzeko lasterketa solidarioa egingo dau. Getxoko udalak lagata Fadurako belodromoa erabili ahalko dabe horretarako. Maialen Aulestia, Donahue sindromea daukan Urdulizko neskato bat da eta berari laguntzeko dirua batu nahi dabe. Punta Galea txirrindulari alkarteko kidea dogu Joseba Arrizabalaga. Zapaturako prestau daben jaialdira joateko deia egin deutsie Uribe Kostako biztanleei.
 

Energiaren ganeko zikloa Lea Artibain

Erabiltzailearen aurpegia

Energia Eraginkortasunaren eta  Eguzki Energia Termikoaren ganeko goi mailako prestakuntza zikloa dago martxan Lea Artibai ikastetxean. Europatik exigentzia barriak datoz eta ziklo honeek exigentzia horreetara egokitzeko aukerea emoten dau. Arratsaldeetan eskainten dabe hiru urteko ziklo hau, eta momentuz hamazortzi ikasle daukez.

Laura Garrido Euskadiko popularren bozeroaleagaz berbetan

Erabiltzailearen aurpegia

Martiaren hamaikako atentadu egileen inguruan oraindik batzuk zalantzak daukiez eta Garridok uste dau zalantzak izan daitekezala. Bestalde popularrek asteburuan Donostian egin daben biltzarraz be bere eretxia emon deusku Garridok. Momentu txarrak bizi izan dabezala onartuta, aurrera begira alderdi popularrak daukazan proiektuak garrantzitsuak dira Garridoren berbetan.

Pobreziari aurre eginez, 15 mila familia atendidu ditue

Erabiltzailearen aurpegia

Bilboko Udalak eta gizarteratze arloko Bizkaiko erakundeek lankidetzan dihardue. Joan dan urtean, 2013an, 15 mila familia-unidade atendidu ditue, 117 milioi euro erabilita. Etxebizitzako Gastuetarako Prestazino osagarrien bitartez, barriz, 5.800 familiari lagundu deutsie. Paco Dehesa udaleko ordezkariak nabarmendu dau lankidetzea oso garrantzitsua dala. Euskal Autonomia Erkidegoko mantenu-pobrezia %5,7koa izan zan 2008an, eta %7,3koa, 2012an. Gizarte erakundeetan, Caritasek, 68 proiektu landu ditu joan dan urtean. 6.000 pertsona baino gehiago atendidu ditu. Bizkaiko Elikagaien Bankuari, barriz, handitu egin jako ...

Bertsolari gazteen 22garren BBK sariketea martxan

Erabiltzailearen aurpegia

Arkaitz Estiballes Bizkaiko bertsolaritza txapelketako azkenengo irabazlea eta txikitan BBK sariketan ibilitakoa dogu. Beragaz berbetan aritu gara. BBk sariketea bihar bertan hasiko da. Markina-Xemeingo Lea-Artibai ikastetxean izango da lehenengo kanporaketea goizeko 11:30etatik aurrera. Bertan Lea-Artibai eta Bilboaldea aurrez aurre egongo dira. Etzi Arratia Enkarterriren aurka Zallako Euskadi Plazan goizeko 10etan eta datorren astean Algortako Aixerrota institutuan Ipar Uribe eta Busturialdea aurrez aurre. Durangaldea finalaurrekoetan egongo da sailkatutakoak itxaroten. Adin maila bitan 18 urte arte eta 19tik 24 urtera bitartean ...

Hodei Egiluz gaztearen alde hainbat ekitaldi

Erabiltzailearen aurpegia

Ekitaldi horreetako batzuk Galdakaon, bere jaioterrian izango dira, eta beste batzuk bere jaioterritik kanpo, Anberesen esate baterako. Uri horretan desagertu zan gaztea urriaren hamazortzian. Gldakaon talde bat eratu dabe Egiluzen bila jarraitu dagien. Talde horretako kide bat, Koldo Ezkerra izango dogu Lau Haizetara irratsaioan azalpenak emoten.

Faxismoaren aurkako manifestazinoa martiaren 22an

Erabiltzailearen aurpegia

Inoiz Gehiago Ez plataformeak egin dau deia. Ander Bizan bozeroaleak azaldu dauenez, hainbat alderdi politikok eta gizarte eragilek osotzen dabe. Beste batzuen artean Sortu, Aralar eta Alternatiba dagoz. Plataforma hau faxismoaren, xenofobiaren, arrazakeriaren, sexismoaren eta LGTBfobiaren kontra sortu da. Martiaren 22an izango da manifestazinoa Bilbon. Faxismoaren aurkako nazinoarteko eguna da.
Plaza Eliptikotik urtengo dau arratsaldeko seiretan. Asteon, berbaldiak emongo ditue Gasteizen eta Bilbon. Bilbokoa, martiaren 14an, barikuz, iluntzeko zazpi terdietan izango da, Zirika herrigunean. Ronda kalean.