Alde batetik, martxa-mobilizatzailea Bilbo inguratzen duten mendietatik egingo da, auzo guztien parte hartzearekin. Guztira 32,5 kilometroko ibilbidea egingo dugu zazpi zatitan banatuta.
Santutxuri dagokionez, Basarrate plazatik 12:15ean ateratzeko geratu gara, Otxarkoagako Ibarsusira joateko, guri dagokigun martxan gure txanda hartzera eta Abusurainoko ibilbidea egiteko (guztira 5 edo 6 km eta modu lasaian).
Gero, arratsaldeko 17:30ean, Aita Donostia plazan (Basurton), eta mendiko martxa-mobilizatzaile bukaeran manifestazio irekia egingo dugu Euskalduna zubiraino guztion parte hartzearekin. Eguna Itsas Museoan amaituko da, arratsaldeko 18:00etan egingo den ekitaldi batekin.