uriola.eus

Udalak ‘Txartel birtuala’ abian jartzeko prozesua bultzatu du TAO sistema 12. barrutian ezarrita

  Udal gaiak  San Adrian

baiondoko Barrutiko bost auzoek Bilboko TAOren 12. Gune berria osatuko dute eta 2015eko urtarrilean sektore berde gisa funtzionatzen hasiko da. Auzune hauetako bizilagunak gaurtik hasi daitezke ‘txartel birtuala’ eskatzen.

Bilboko Udalak egoiliarrentzako ‘txartel birtuala’ ezartzea sustatuko du, TAO sistema Miribilla, San Adrian, Bilbo Zaharra, San Frantzisko eta Zabala auzoetan ezartzearekin batera. Hala, urtarrilean, Ibaiondo barrutiko bost auzo hauek Bilboko TAOren 12. Gune berria osatuko dute eta sektore berde gisa funtzionatzen hasiko dira. Guztira, TAOk 2.843 aparkaleku barne hartuko ditu.

‘Ticket birtualaren’ ostean ‘Txartela Birtuala’ heldu da

Trafiko eta Aparkamenduaren Ordenantza (TAO) berria 2013ko azaroan indarrean sartuta, Bilboko Udalak TAOren "ticket birtuala" abian ipini zuen, online ordaintzeko aukera eskainita eta erabiltzaileen mugikortasuna sustatuta, eskainitako zerbitzuaren kalitatea hobetzeko nahiz herritarrei tramite administratiboak egitea errazteko asmoz.

Une honetan, TAOren 12. Gunea sortu den unearekin batera, Udalak `txartel birtualaren´ ezarpena sustatzea ere erabaki du, paperezkobereizgarria ordeztuko duena. Txartel birtuala jasotzeak online bidezko erregistroa behar den bezala burutu dela esan nahi du, ibilgailuetan bereizgarririk ipini behar izan gabe.

Hala, hemendik aurrera, egoiliarrentzako TAO Interneten bitartez eskatzeko eta baimena jasotzeko aukera egongo da, eguneko edozein ordutan eta inora jo behar izan gabe, hurrengo webgunean: www.bilbao.net. Bertan, hurrengo izendapena daukan atal espezifikoa ipini da Orri nagusiko Agendan: ‘Ibaiondo 12. TAO gune berria. Egoiliarrek baimena on-line eskatzea´.

Eskatzaileek 5 pauso erraz egin behar izango dituzte eskaera erregistratuta eta zenbakia esleituta dakarren pdf dokumentua lortzeko, eta 24 orduko epean soilik baieztapena posta elektronikoz edo telefono mugikorreko sms mezuaren bidez jasoko dute. `Txartel birtuala´ eskuratuta, eskatutako guneko egoiliar gisa kreditatuta egongo dira.

Halaber, zalantzak argitu edo horri buruzko xehetasun gehiago jaso nahi izanez gero, www.bilbao.net/eudala web gunera jo, 94 423 19 00 telefonora deitu, edota Bilboko Udaleko Herritarren Arretarako Bulegoan galdetu.

Herritarren eskaerari erantzuna

TAO 12 Gunea sortzeak Miribilla, San Adrian, Bilbo Zaharra, San Frantzisko eta Zabala auzoetako elkarte eta bizilagunen artean zegoen eskaerari erantzuten dio, eragindako eremuan egindako udal azterketa batek berretsitakoa.

2015eko urtarrilean abian jarriko da, Ibaiondoko Barrutiko Kontseiluko Osoko Bilkuran -alderdien eta auzoko-elkarteen kontrako boturik gabeeta Udalaren Osoko Bilkuran onartu ondoren.

TAOren 2.843 aparkaleku berriak sektore berdean hasiko dira funtzionatzen. Horri esker, egoiliarrek mugarik gabe aparkatu ahal izango dute eta bisitariek berriz, 5 orduz. TAOren ordutegia honako hau da: 09:00etatik 13:00ak arte eta 15:00etatik 20:00ak arte. 

12. TAO Gune berrian Ibaiondoko Barrutiaren bost auzoak daude eta Zamakola kalearen hasieratik Askatasuna etorbidearekiko bidegurutzeraino luzatuko da.

San Frantzisko eta Bilbo Zaharra auzoetan dauden Ibaizabalen ondoko eremu txikiak bazeuden aurretik TAO sisteman eta lehen bezala mantenduko dira, gune berrian sartu barik.

2015erako ‘txartel birtuala’ eskuratu nahi duten herritarrek gaurtik eskatu dezakete eta ordainketa hurrengo urtean egin.

Urteko lehenengo hiru hilabeteetan bizilagunek TAOren sisteman sartzeak eta `txartel birtuala´ ezartzeak aparkalekuetan dakartzaten aldaketei egokitzeko aukera izango dute. Hori dela eta, txartelaren kostua 2015ean 33,83 eurokoa izango da, martxoaren 31ra arte eskatzen dutenentzat, hau da, hiru hilekoren kostua izango du.

Ezarraldia amaitutakoan, urteko kuota (45,10 €) hiru hilekotan hainbanatuko da, eskaeraren dataren arabera.

TAO txartela lortzeko betekizun orokorrak

1. Egoiliarra Bilbon erroldatuta egon behar da, eskaeran ipini duen etxebizitza berean.

2. Helbide hori erroldan eta IFZn edo AIZn, Indarreko Gidabaimenean eta ibilgailuaren Zirkulazio Baimenean agertzen denarekin bat etorri behar da.

3. Titularraren ibilgailua automobila izango da eta Bilboko Ibilgailuen gaineko Zerga ordainduta eduki behar du. Hala, ezin du trafikoaraudiarengatik edo araututako aparkamenduaren Bilboko TAO Ordenantzarengatik ordaindu gabeko isunik eduki.

4. Baimen-eskaeraren helburua den ibilgailuak Egoiliarren Udal Aparkalekuetan ez du leku bat esleituta eduki behar.

5. Egoiliar bakoitzeko txartela bakarra emango da (etxebizitza bakoitzeko 2 gehienez).

TAO txartela lortzeko betekizun espezifikoak

1. Egoiliarraren bigarren ibilgailu baterako txartel/baimena eman daiteke bigarren hori ezkontideak, behar den bezala erregistratutako izatezko bikoteak, edo seme-alaba batek erabiltzen badu eta bizitoki bera baldin badute. Gainera, (beste txartel bati esleituta ez dagoen) gida-baimena indarrean eduki eta gainerako baldintza orokorrak bete behar dituzte.

2. Egoiliarra autoaren jabea izan daiteke edo, bere izenean ibilgailurik eduki ezean, finantza-errentamenduko erregimenean (leasinga edo rentinga) edo lan egiten duen enpresak lagata (sozietatearena izanda edo finantza errentamenduan), baina ibilgailuaren aseguruan ohiko gidaria dela agertu behar da.

Azken kasu hauetarako behar diren baldintza eta betekizunei buruzko informazio zehatza hurrengo webgunean dago: www.bilbao.net/eudala. 

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa