uriola.eus

Manifestazioa deitu dute Uribarriko garbiketa enpresa baten lan baldintzak salatzeko

  Ekonomia-Lana  Uribarri

Uribarriko Limpiezas Arana-Fernandez Aguilar enpresan "egunero ematen diren tratu-txar eta jazarpenak" salatzeko, manifestazioa deitu du Bilboko Langile Autodefentsa sareak. Otsailaren 20ean izango da, arratsaldeko 18:00etan eta Uribarriko eskolen kanpetan emango zaio hasiera.

LAS-en arabera, duela bi hilabete bertako enpresako langile baten deia jaso zuten, bere egoeraren berri eman ziena eta horren bidez, “gatazka publiko bat “ abiarazi dute enpresa horren kontra.

Langile horrek deklaratu du tratu-txar ugari sufritu dituela bere nagusiarengandik. Honen arabera, kontraturik gabe lan egitera behartuta zegoen, gaixorik zegoela lan eginarazten zuen eta beti bi ordutan egindako lana bakarrik kobratzen zuen: “bi ordu ordaintzen zizkidan. Hiru egiten banituen, bi ordaintzen zizkidan. Lau egiten banituen, bi ordaintzen zizkidan”. Gainera, gatazka hasi zenean jabeak lanetik bota zuela ere adierazi du.

“Borrokan ari gara. Gauzak gogorrago jarri dira nire nagusiarekin, baina ni firme mantenduko naiz kendu didan guztia ordaintzen didan arte”.

 
 

 

 
 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa