Atzo arratsaldean Sader lantegian gertatu zen istripu baten irudiak partekatu ditu Sader Profersa Kanpora plataformak. Apiriletik egundainoko hirugarren istripua da dagoeneko. Auzo plataformak urteak daramatzate Zorrotzako lantegiek auzokideen bizitzan duten eragina salatzen, eta apiriletik erakundeek hainbat neurri jarri dituzte indarrean enpresa hauek sortzen dituzten emisio kaltegarriak murrizteko, edo, Profersaren kasuan, itxi ere egin dute haren tokialdatzea egin daitekeen arte, nahiz eta enpresako langileen egoerak kezkak sortu dituen sindikatuetan.
Sader Profersa Kanpora plataformatik, atzoko istripua gertatzean auzokideak ohartarazi ez zituztela salatu dute, lantegitik ke txuria irteten eta alboan suhiltzaileak ikusten diren bideo eta argazki irudiztatuta.