Muntai polizialen aurkako jaialdia ospatuko dute datorren larunbatean Deustuko Erriberako Bizinahi Auzogunean. Egitarauari dagokionez, goizeko 12:00etan emango diote hasiera egunari, "Kutxoren Pantomimak" mimo ikuskizunarekin. Eguerdiko bazkarirako izen emateko epea bihar osteguna amaituko da. Erribera Tabernan, Begoña Tabernan, Deustuko Herriko Tabernan eta Errondabide Herriko Tabernan dago bazkarira apuntatzeko aukera.
Elorrieta, Sani eta Ibarrekolandako greba asanbladak antolatuta urtarrilaren 18an, larunbata, arratsaldeko 18:00etan Salhaketa elkarteak 'Zer egin atxiloketa baten aurrean?' hitzaldia eskainiko du Errondoko Auzo Etxean (Navarro Villoslada, 12).
Bilboko Alde Zaharreko Erronda kaleko 2. zenbakian kokatuta dagoen Bira Kultur Guneak urtarrileko agenda kaleratu du. Adin eta gustu guztientzako ekintzak eskainiko dituzte urtarrilaren 5etik 31ra bitartean.