Apirilaren 6an, BIZKAIKO DANTZARIEN BILTZARRAk erromeria eskainiko du Indautxuko Plazan, eguerdiko 12:00etan.
Antzerki fisikoa, dantza garaikidea, arte bizia eta instalazio ikus-entzunezkoak bat egingo dute jaialdi honetan bihartik aurrera. Programazioan hiru estreinaldi absolutuak eta Euskal Herrian lehen aldiz ikusiko diren proiektuak nabarmentzen dira.
CINCO GOLONDRINAS, Pabellón 6ekoGazte Konpainiaren azken ekoizpena,BBK SALAn estreinatu ondoren, Pabellón 6era pasatuko da. Bertan, martxoaren 21etik apirilaren 6ra egongo da ikusgai. CINCO GOLONDRINAS Pabellón 6eko Gazte Konpainiaren ekoizpen berria da, eta 2015ean sortu zenetik bederatzigarrena jada. Proiektu honek arte eszenikoetan trebatua den eta profesionalizaziorako bidean dabilen gazte multzo bat hautatzen du urtero, eta gazte horiek ikuskizun berri bat sortzeko prozesu osoan babesten ditu. Gazte Konpainiaren 2025eko promozioa, 30 urtetik beherako bost interpretek osatzen dute: Markel Urrestarazu, Nerea Sanz, Aritz Castillo, Nora Urdanpilleta eta Pino de Pablos.