Estatu Espainiarreko eta Europako ekonomia erakunde nagusietako ordezkariak izan ziren Global Forum Spain bilkurako partaide. Bilkura hasi aurretik, bitartean eta ondoren, hainbat protesta egin ziren Bilboko kaleetan "egoera ekonomikoa salatu eta Troikari ez zela ongi etorria gogorarazteko".
Manifestari batzuk banketxe eta multinazionalen saltokiak erasotu zituzten. "Sistema kapitalista-heteropatriarkalaren eskaparateak", adierazi zutenez. Kale Nagusian eta Alde Zaharrean sortu ziren istilu gogorrenak. Guztira, 13 lagun atxilo zituzten, tartean Urko Martinez Otxarkoagako gaztea. Datorren irailaren 29an epaituko dute Martinez.
Egiraunen absoluzioa
2014ko martxoaren 3ko istuluetan parte hartzegatik epaitua eta asbolbitua izan zen joan den martxoan Iker Egiraun deustuarra. Fiskaltzak 120.00 euroko isuna eta bi urte eta erdiko espetxe zigorra eskatu zuen Egiraunentzat. Froga faltagatik erabaki zuen auzitegiak ezin zitzaiola Egirauni Alde Zaharreko, Abandoko eta Indautxuko istiluen egiletza egotzi, eta hortaz, ezin zela epaitua izan ebatzi zuen.
[2016-04-18] Iker Egiraun deustuarra absolbitu dute
[2016/03/31] Iker Egiraun gaur epaituko dute Troika Bilbon izan zeneko istiluen harira
[2014/03/03] Troikaren Goi Bilera salatzeko manifestazioko argazkiak