uriola.eus

Auzotarren berotasuna jaso du Asier Gonzalezek Santutxura heltzean

  Jendartea  Santutxu
Asier Gonzalez aske geratu zen atzo eguerdian 50.000 euroko bermea ordaindu eta gero. 20:15 aldera Santutxura heldu eta bertan, auzokideek harrera jendetsua eskaini zioten. Gaur, 20:00etan, Karmelotik abiatzekoa zen manifestazioa mantenduko dute Asierren atxiloketa salatzeko.

Atzo goizean jakinarazi zuen Jone Gorizelaiak, 50.000 euroko fidantza ordainduta santutxuarra aske geratuko zela. 15:00ak aldera Asier kalean zen eta Madriletik Bilborako bidea hartu zuen senide eta lagun artean. 20:15 inguru heldu zen auzora eta hainbat lagunek txalo artean agurtu zuten.

Gaur arratsaldeko 20:00etan, manifestazioa abiatuko da Karmelo plazatik ”Euskal Herriak konponbidea behar du” lelopean. Protesta honen bidez, Asierren atxiloketa salatu eta Euskal Herriak bizi duen egoera politiko berriak “eraso gehiagorik ez izatea” eskatuko dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa