Asier Gonzalez aske geratu da 50.000 euroko bermea ordaindu eta gero

50.000 euroko fidantzapean aske geratu da Santutxuko gaztea eta dagoeneko Bilborako bidea hartu du. Fiskalak eskaera hori egin du gaur goizean eta 14:00ak aldera, senide eta lagunek dirua biltzea lortu dute; ordu erdi geroago aske geratu da.

Astearte arratsaldeko 20:00etan, jende andana batu zen Egunkaria plazan Asier Gonzalezen atxiloketa errefusatzeko. Manifestazioak Santutxuko kaleak inguratu zituen eta Karmelo kaleko “La Zonan” bukatu zen. Bertan, Oihana Bartrak Asierren lagun, senide eta auzoko eragileen izenean hitza hartu zuen.

Asierrek Santutxun burututako auzolana goratu eta atzoko atxiloketa eta Herriko Tabernaren ondorengo miaketa, “Euskal Herriak bizi duen egoera politiko berriaren aurkako eraso zuzenak” izan zirela salatu zuen. Gauzak horrela, manifestazioan parte hartu zuten lagunei “eraso horien aurrean erantzun zabala zein tinkoa” emateko deia luzatu zien. Beraz, gaur, arratsaldeko 19:30ean, Santutxuko Herriko Tabernan Asierren lagun eta senideek deitutako elkarretaratzean parte hartzera gonbidatu zituen eta ostiralean, 20:00etan, Karmelo plazatik abiatuko den martxan ere. Ostiralean musika tresnak eramateko prest agertu dira Asierren lagun batzuk, hala nola, dultzainero, trikitilari, albokari, txalapartari eta atabalero batzuk. Gonbidapena irekia da bertaratzeko asmoa duen ororentzat.

Bestalde, Asierren inguruko informazio gehiago zabaldu zuten. Atzo arratsaldean Madrilerako bidean zegoen eta inkomunikazioa altxa ziotela jakinarazi zuten. Gaur, goizeko 11:00etan, Jone Goirizelaia abokatuarekin elkartzeko aukera izan du. Goirizelaiak jakinarazi duenez, tratu zuzena jaso du atxiloaldian eta bihar, osteguna, deklaratuko du. 

 

Erlazionatuak

Auzotarren berotasuna jaso du Asier Gonzalezek Santutxura heltzean

Santutxu

Asier Gonzalez aske geratu zen atzo eguerdian 50.000 euroko bermea ordaindu eta gero. 20:15 aldera Santutxura heldu eta bertan, auzokideek harrera ...
Asier Gonzalezen askatasuna galdegiteko manifestazioa

None

1.500 lagun inguruk manifestazioa abiatu dute Egunkaria plazatik Asier Gonzalezen atxiloketa salatzeko.
Santutxuarrek Asier Gonzalezen egoeraren inguruko kezka adierazi dute

Santutxu

Eragile sozial, sindikal eta politikoetako ordezkariek, Asier Gonzalezen gertuko lagunekin batera agerraldia eskeini dute Karmelo plazan santutxuar...
Asier Gonzalez santutxuarra atxilotu eta inkomunikatu du Guardia Zibilak

Santutxu

ETAri laguntzea egotzita atxilotu du goizaldean Guardia Zibilak Asier Gonzalez bere etxean. Lau orduz etxebizitza miatzen eman ostean, material uga...