uriola.eus

MOMA dantzalekuak ateak irekiko ditu gaur hilabeteko zigorraren ondoren

  Jendartea  Abando - Indautxu

Udal zigorraldiaren ostean, Indautxuko diskotekak pertsiana igoko du gaur lehen aldiz uda eta gero. Rodriguez Ariaseko Bizilagun Kaltetuen Erakundeak salatu du ez dela "etikoa" diru publikoa errentabilitate handiko negozio pribatuek sorrarazten dituzten kalteak arintzeko erabiltzea, eta diruaren kudeaketa "bikaina" egitea eskatu dio Udalari.

Hilabeteko zigorra bete ondoren, MOMA diskotekak berriro ateak irekiko ditu gaur. Ez ditu liskarrik gabe irekiko, ordea, Rodriguez Ariaseko bizilagunak El Correosek dantzalekuaren irekiera iragarri ostean berriro ere kexatu baitira.

Rodriguez Ariaseko Bizilagun Kaltetuen Erakundeak salatu duenez, ez da "etikoa" Udalak diru hori bideratzea errentabilitate handiko negozio pribatuek sorrarazten dituzten kalteak arintzeko, eta gogorarazi du, El Correosek diskotekaren jabeari egindako elkarrizketan argitara eman zuela astebururo 40.000 euroko irabaziak jasotzen dituela.

Gainera, bizilagunen elkarteak diru publikoa "zergadun" guztiena dela gogora ekarri du, eta horren kudeaketa "bikaina" egitea eskatu dio Udalari.

Neurri garestiak

Plataformak errepikatu du beste behin Udalak dirua "xahutuko" duela dantzalekuak eragiten dituen eragozpenak txikitzeko hartutako neurriekin. Izan ere, lokalera joaten den jendeak eragiten duen zarata eta zikinkeria apaltzeko, polizia zaintza, gizarte hezitzaileak eta garbiketa zerbitzu berezia ezarri du Udalak.

[2017-08-30] Rodriguez Ariaseko bizilagunek behingoz legea ezartzea eskatu dio Udalari

[2017-08-29] MOMA auziko parte guztien bizikidetzarako hasitako prozesuaren amaiera iragarri du Udalak

[2017-07-03] MOMA diskotekak bozgorailuak piztuko ditu berriro

[2017-06-23] Bilboko Udalak MOMA diskotekako musika ekipoa zigilatu du

[2017-05-30] Arartekoaren aurrean salatu dute MOMA diskotekaren auzia

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa