Larunbata, abenduak 3

Iparralde gaua ZAWPen: Paco + Begiz Begi

Iparralde Zikloa bukatzeko, abenduaren 3an Iparralde gaualdia antolatuko dugu ZAWPen. Paco bakarlari baxe-nafarrak grabatzen ari den diska aurkeztuko digu. Horren ostean Begiz Begi post-rock-talde lapurtarrak joko du eta atera berri duten 'Hatsa' (Baga biga, 2016) disko berria aurkeztuko digu 2015eko Banden Lehia irabazi zuen taldeak. Musikarekin batera, Larresoroko Arrobio eta Hazaparneko Etxeko Bob’s Beer gargardo artisauak ekarriko ditugu Deustualdera, Bidasoaren bestaldera ekoizten diren zaporeak dastatzeko. Sarritan, badirudi Iparraldea urrun egoten dela eta ziklo honen bidez distantziak murriztu eta bertoko errealitatea ekarri nahi dugu auzora. Sarrera 5€tan. Ateak 19'30ean zabalduko dituzte.

Euskararen Eguneko Argazki Rallya Abusu Ikastolan

DBHra arteko ikasle, ikasle ohi eta Abusuko haurrentzat Argazki Rallya antolatu du Abusu Ikastolako Euskaraz Bizi - Gurasoak Martxan taldeak, Euskararen Eguna ospatzeko. Izenematea 10.00etan irekiko da eta 10.30-13.30 artean atera beharko dira argazkiak, auzoan. Bi azpi-gai daude: euskara (seinaletika, hizkuntza-paisaia...) eta, bestea, librea. Guggenheim Museorako bina sarrera emango zaizkie hiru laguni. DBHko eta LHko lan bana gutxienez sarituko da.

19:30

19:30

1.barrutia: Kultura barra-barra

Antzerkia, bertsolaritza, musika, poesia, ikus-entzunezkoak eta magia ikuskizunak izango dira Deustu, San Inazio-Ibarrekolanda eta Arangoitiko udaltegietan ume, gazte eta helduentzat. Gaur, Atx Teatro konpainiak helduentzako Fakiu! antzezlana taularatuko du Bidarte udaltegian (19:30). 

19:00

22:30

II. jardunaldiak: 'GIBaren ikusgarritasuna sexu eta genero aniztasunean'

Hegoak, Aldarte, Bizkaisida eta T4 elkarteek GIBari buruzko bigarren jardunaldiak antolatu ditugu abenduaren 2 eta 3an Bilborocken 19:00-22:30 bitartean.