Errekaldeko Aratusteak otsailaren 3an izango dira. Goizetik ekingo diote umeentzako jokoekin eta jaia gauera arte luzatuko da Aldats erromeriaren eskutik.
Aurtengo inauterietako gai gisa zirkua hautatu dute Otxarkoagan. Munduko ikuskizun handiena Ugarte plazan ikusteko aukera izango da.
Inauterietan ohitura bihurtu den Deustuko Txotx Irekiera egingo dugu Müllerenean. Beti lez, sagardo kupela ekarriko dugu eta sorpresa izango den txotxeroak ‘hauxe da Deustuko sagardo berria’ esango du edaten hasi aurretik. Zer jan eta zer edan egongo da giro onean! Aurten, Euskaraldiaren harira, ahobizi edo belarriprest txapa ekartzeko gonbitea egiten dizuegu!
Urtarrilaren 22tik, otsailaren 4ra arte, Alde Zaharreko tabernek, kafetegiek eta jatetxeek lehiaketan parte hartuko dute. Izena emateko epea zabalik jarraitzen du.
Astelehenetan, Bizilabe tailerrera etorrita, nahi duzuna diseinatzeko eta nahi duzun proiektua edo ikerketa egiteko aukera izango duzu; zure laguntzaile izango dira zientzialari eta teknologo profesionalak. 12-14 urteko neska-mutilentzako da. Kuota arrunta: 15 €/ hiruhileko Familia ugaria: 10 €/hiruhileko Diru-sarrerak Bermatzeko Errenta: 4 €/hiruhileko
Komite Internazionalistak erakundeak urtarrilaren 29tik otsailaren 4ra arte Herriok bidean. Bide-orriak askapen nazional eta sozialerako jardunaldiak antolatu ditu Bilbon.
Otsailaren 4ra arte ospatuko ditugu aurten deustuarrok inauteriak, beraz ekin eta bukatu lehenbailehen zuen karroza eta mozorroak. Deustuko inauterien 41. urteurren honetan, ostiraletik igandera arte iraungo duen egitarau oparoa prestatu dugu Deustuko Jai Batzordeko kideok, adin eta gustu guztiak asetzeko.