Joan den ostegunean hilik aurkitu zuten Ekai gazte transexuala bere herrian, Ondarroan, eta hainbat herri eta hiritan gogoratu dute azken egunotan. Gaur, Bilbon, omenaldia egingo diote 19:00etan Arriaga plazan.
Asteburuan gertatu den sexu-eraso saiakera gaitzesteko, San Adrianeko auzokideak 20:00etan bilduko dira pilotalekuan. Auzoko Jai Batzordeak egin du deialdia, ASOVESAN elkartearekin batera.
Astelehenetan, Bizilabe tailerrera etorrita, nahi duzuna diseinatzeko eta nahi duzun proiektua edo ikerketa egiteko aukera izango duzu; zure laguntzaile izango dira zientzialari eta teknologo profesionalak. 12-14 urteko neska-mutilentzako da. Kuota arrunta: 15 €/ hiruhileko Familia ugaria: 10 €/hiruhileko Diru-sarrerak Bermatzeko Errenta: 4 €/hiruhileko