Eneko Sagardoy eta Aia Kruse aktoreak eta Xabier Berzosa ekoizleak egungo euskal zinemagintza hartuko dute hizpide bihar, hilak 14, 19:00etan, Euskal Museoan. Ostegunean, leku eta ordu berean, gaztelaniaz izango da solasaldia. Lekua mugatua eta sarrera doakoa izango da.
Lau sormen-haizetara lelopean, martxoaren 5etik 26ra, 30 kultur hitzordutan sormena lau haizetara zabalduko dute Loraldia jaialdiaren laugarren edizioko 200 artista partaideek Bilboko 20 bat lekutan.
Gaur emango diote hasiera aste politiko-kulturalari 7katu gaztetxean. Bosgarren edizioa izango da aurtengoa. Hitzaldiak, solasaldiak edota dokumentalen proiekzioak antolatu dituzte. Bertso Errondako final handia ostegunean izango da.