Osteguna, urriak 22

13:20

Bilboko Berreginen Museoak “Etzanda dagoen emakumetik zutik dagoen emakumera” hitzaldia antolatu du

Bilboko Berreginen Museoak “Etzanda dagoen emakumetik zutik dagoen emakumera” hitzaldia antolatu du urriaren 22an, arratsaldeko 18:00etan. Mintzaldia erakusketaren komisario Fidel Díez Mesak emango du Bilboko Berreginen Museoan.  Hitzaldiak artearen historian egondako emakumezkoen gorputzen 120 adierazpen ezagutzeko aukera emango du eta "20 gorputz 20 artista" erakusketa berriarekin lotuta dago. Erakusketako komisarioaren hitzaldia aitzakia ezin hobea da Bilboko Berrreginen Museoaren erakusketa berrian murgiltzeko. Dohakoa den arren, segurtasun neurriak mantentzeko aldez aurretik erreserba egin behar da 94 415 02 31 telefonoan.  

20:00

Etxarri Gaztetxearen hustutze aginduaren aurrean kontzentrazioa egingo dute

Urriaren 23rako dago deituta Errekaldeko Etxarri Gaztetxearen aurkako hustutze agindua. Horren aurrean, elkarretaratzea deitu dute urriaren 22an, osteguna, arratsaldeko 20:00etan.

11:00

11:00

Euskarazko irakurketa errazeko saioak urriaren 6an hasiko dira

Euskadi Irakurketa Errazeko elkarteak, urriaren 6tik azaroaren 3ra bitartean, Fernando Morillo Grande idazlearen "Santiago Bidearen misterioa" liburua irakurtzeko saioak antolatu ditu, asteartero goizeko 11:00etatik 12:15era Bizkaiko Foru Liburutegian.  Saio hauek guztiz doakoak dira eta euskara ikasten ari den edo euskaraz irakurtzeko ohiturarik ez duen jendeari zuzenduta daude batez ere. Izena emateko irakurketaerraza.gi@gmail.com helbidera idatziz edo 610 04 39 06 telefonora deituz egin daiteke. Epea urriaren 5ean, astelehena, amaituko da. 

17:00

18:00

Deustuko euskara irakurketa errazeko taldean izena emateko epea zabalik dago

Euskadi Irakurketa Errazeko elkarteak, urriaren 21etik azaroaren 25era bitartean, Montse Flores Pallarès-en “Rif mendietako ura”  liburua irakurtzeko saioak antolatu ditu, asteazkenero arratsaldeko 17:00etatik 18:00etara Deustuko Bidarte Udaltegian.  Saio hauek guztiz doakoak dira eta euskara ikasten ari den edo euskaraz irakurtzeko ohiturarik ez duen jendeari zuzenduta daude batez ere. Izena emateko irakurketaerraza.gi@gmail.com helbidera idatziz edo 610 04 39 06 telefonora deituz egin daiteke. Epea urriaren 9tik 20ra arte zabalik egongo da.