2022ko Ibilaldiaren baitan, Katilu Irteera antolatu du Abusu Ikastolak. Pagasarriko iturriak Ibilaldiko katiluz hornitzea da asmoa, eta goiz pasa egitea mendiaz eta naturaz gozatuz. Edonorentzat zabalik da partehartzea. Zatozte! #erroharrihar
ELA, LAB, Steilas, ESK, Hiru eta Etxalde sindikatuak kalera aterako dira urtarrilaren 30ean Lan erreforma honi ez lelopean, eta bozketaren bezperan, lantokien aurrean elkarretaratzeak egingo dira. Lan harremanen euskal esparrua bermatzea eta kaleratze errazak ezabatzea aldarrikatuko dute.
Igandean borobilduko dute 7 Katu gaztetxearen 15. urteurreneko aste berezia, Miren Amuriza, Jone Uria eta Josune Aramendi bertsolarien errimez lagunduta. 18:00etan izango da hori, eta ondoren, 20:00etan, mikro irekia egongo da.
Izaskun Araluzea deustuarraren Clementina marrazki erakusketa ikusgai egongo da urtarrilaren 25etik martxoaren 27ra arte Rekalde Aretoan. Bizkaiko Foru Aldundiaren sorkuntza beka jaso duten artista hautatuen lana erakusteko Barriek programaren baitan, Urtzi Urkixo bilbotarrari hartuko dio lekukoa. Rekalde Aretoa Errekalde zumarkaleko 30. zenbakian dago, eta ordutegia honako hau da: asteartetik larunbatera, goizez 10:00etatik 14:00etara eta arratsaldez 17:00etatik 20:30era; igandeetan, berriz, goizez bakarrik (10:00-14:00).