Bilboko Gazte Koordinadora Sozialistak ikasturte hasierako aurkezpena egingo du 7 Katu gaztetxean. 19:00etan hasiko da, eta ondoren Marak kontzertua eskainiko du. Ostean, 23:00etatik aurrera, musika giroa egongo da Somera kaleko Bidaide tabernan
Euskal poteoa berreskuratu nahian dabiltza Pa...Ya Konpartsako kideak. Bada, lehenengo hitzordua urriaren 7an jarri dute, ostirala, 19:30ean Geltoki tabernan.
Badator, hamahirugarrenez, umorezko artearen eta literaturaren inguruko Ja! jaialdia. Irailaren 29an hasiko da, eta urriaren 11ra arte iraungo du. Zorte txarrari barre egitea hautatu dute aurtengoan, kartelak iradokitzen duen moduan. Egitarauan ikus daitezkeen izen handien artean daude, besteak beste, Caitlin Moran idazle britainiar famatua, Itziar Lazkano aktorea, aurtengo Aste Nagusian pregoilari izan dena, eta Imanol Ituiño magoa.
Natalia Suárez Ortiz de Zarateren Jade erakusketa ikusgai dago urriaren 14ra arte. 2021ean ekoizpen-zentroan beka jaso zuen artistak, azken urtean egindako olio-pinturen eta tinta japoniarreko marrazkien aukeraketa batekin beteko du arte erakusketa aretoa.
Somera kaleko lokalean hainbat hitzordu egongo dira aste honetan zehar, eta permakulturari, elikadura subirautzari zein ekologismo integralari buruz jardungo dute horietan.