Zulueta 2014ko urtarrilaren 8an atxilotu zuten EPPK Euskal Preso Politikoen Kolektiboko bitartekaritza taldearen kontra eginiko polizia operazio batean. Geroztik isolamendu egoeran dago; 2015eko martxoan Estremerako (Madrid) espetxetik Puerto IIIra (Cadizera) urrundu zuten eta ordutik, "bakartze egoera latzenetariko bat" jasaten ari da bere lagun eta senideek urriaren 24ko agerraldian azaldu bezala.
Hain zuzen ere, Europa Press berri agentziak jakitera eman duenez, Espetxe Zaintzako epaileak Zuluetak berak jarritako salaketa bat onartu du. Lehen graduan sailkatuta dago abokatua eta horrek ez dio kentzen gainontzeko presoekin harremana izateko eskubidea. Egoera hori “berehala” konpondu beharra dagoela esan du Maria de los Reyes Jimeno epaileak.
Arantza SOS plataformaren sare sozialetan irakur daitekeenez "momentuz ez da aldaketarik eman" bere egunerokotasunean, eta zain daude.
[2017-01-05] Larunbatean manifestazioa egingo dute Bilbon Arantza Zuluetaren askatasuna exijitzeko
[2016-10-17] Arantza Zuluetaren isolamendu egoera salatzeko webgune bat jarri dute martxan
[2016-01-19] Artxibatu dute Arantza Zuluetaren aurkako kereila
[2015-08-25] Arantza Zuluetaren isolamendu egoera salatzeko protesta egingo dute Bilbon
[2015-01-05] Arantza Zulueta jasaten ari den isolamendua gaitzetsi dute