Epaitegien zuzenketa aire-konpainiei: hegaldiak bertan behera uztea Covid-arengatik edo konpainiaren interesagatik?
Bilboko bikote batek bi hegaldi zituen Bilbotik Pragara joateko 2020ko martxoan. Aire-konpainiak, Brussels Airlines-ek, bertan behera utzi zituen, ohiz kanpoko arrazoiak aipatuz: Covid-19aren pandemia. Baina Edreams-k, erreserbaz arduratu zen agentziak, bidali zien jakinarazpen-oharrean ez zen inon ere aipatzen osasun egoera zenik hegaldi hura bertan behera uzteko arrazoia. Gainera, aire-konpainiak aukera eskaini zien bidaiariei hegaldien ordutegia aldatzeko, eta hori ez dator bat Covid-19ak eragindako gorabehera batekin.
Denborale bat dela-eta bertan behera utzi dute nire hegaldia. Zein dira nire eskubideak?
Aire konpainia batek zure hegaldia bertan behera uzten badu eguraldiagatik, eskubidea duzu txartelaren dirua bueltatzeko edo hegaldi alternatibo bat eskaintzeko, eta laguntza eman behar dizute: ostatua, otorduak, joan-etorriak...