Astearte arratsaldero bezala elkarretaratzea egingo dute Etxerat elkarteko kideek Arriaga plazan. Gaurkoan, bereziki, "sakabanaketa politikak eragindako urteko seigarren istripua" salatuko dute.
Auzoan igande gauean izandako erasoa salatzeko eta emakume erasotuari babesa agertzeko Errekaldeko emakumeen taldeak mobilizatzera deitu ditu auzotarrak gaur arratsaldean. Bilboko Udalak irmoki gaitzetsi ditu Errakaldeko erasoa eta Abandon egun berean izandako beste bat.
Otxarkoagako jaiek bigarren asteburuari helduko diote. Egitarau zabala eta adin guztietarako jarduerak prestatu dituzte jaien azken txanpa den asteburuan. Aurten auzotarrak indarkeria sexistaren aurkako hainbat ekitaldi antolatu dituzte.
Hinka taldea, Lucien Etxezaharreta, Katixa Dolhare-Zaldunbide eta Itxaro Borda izango dira euskalduntasunaren inguruan hausnar egitera gonbidatu dituzten partaideak Bilbo Zaharra Forumeko jardunaldietan. Ekimenen artean, ekainaren 8an Itxaro Bordaren %100 basque liburua irakurriko dute 400 bat lagunek Klasikoen X. Irakurtaldi jarraituan.