Ezagutzek Askatuko Gaituzte ekimenaren bigarren blokeko jarduerak eskainiko ditu datozen egunetan Zirikatzen taldeak. Lehenengo jarduera bihar izango da, maiatzaren 22an. Oinarrizko auto mekanika tailer bat eskainiko dute 11:00etan Deustuko Erriberan. Bigarrena maiatzaren 28an 17:30ean egingo duten jostungintza tailerra izango da eta azkenik, oinarrizko informatika ekainaren 5ean 11:00etan.
Artista gazteen lanak ezagutzera emateko helburuarekin ostegunetik igandera bitartean Bilboko Gazte Sortzaileen Azokaren bigarren edizioa antolatuko da Deustuko Gazte Lokalean.
Ez dadila haria eten lelopean, gaur hasiko dira Karmelaren bosgarren urteurrena. Hemen gainean entzun daiteke urteurrenaren berri emateko prestatu duten kuña.
Artista gazteen lanak ezagutzera emateko helburuarekin martxan dago Bilboko Gazte Sortzaileen Azokaren bigarren edizioa Deustuko Gazte Lokalean. Bigarren edizio honetan, inguruko artisten lanak ikustera emateaz gain, bestelako emanaldiak antolatu dituzte Gazte Lokalean. Gaur 20:30ean kontzertu akustikoa izango da Xxilemaren eskutik. Bihar Leire eta Paula Perez eta Gerizeti Zubiaurreren poesia ekitaldia izango da 17:30ean eta emanaldiei amaiera emateko, arte sorkuntzaren zentzua izango dute hizpide 13:30ean antolatu den mahainguru irekian.