Jon Orbegozo barriro Amorebietan

Erabiltzailearen aurpegia

Atetik saioan Jon Orbegozo Amorebietako aurrelaria alkarrizketatu dogu. Barriro dago Amorebietan, Barakaldon jokatu eta gero. Oso gustura itzuli dala aitortu deusku, Mikel anaia eta biak oso ondo tratau dituela-ta. Biak izan dira Amorebietako jokalariak. Talde beteranoa eratu dabe zornotzarrek eta ondo ekin deutsie denporaldiari. Zazpigarren dagoz  11 puntugaz. Ander Alaña Leioako jokalaria eta Jon Apellaniz Santurtzikoa be izan dira saioan. Talde igonbarriak biak. Leioa 2.B-n eta Santurtzi 3. mailan.

Ikusmenaren nazinoarteko eguna da

Erabiltzailearen aurpegia

Ikusmenaren arazoen ganean arretea ipini gura dabe. Espainiar estaduan 980.000 lagunek ikusmeneko ezintasunen bat daukie eta 60.000 pertsona itsuak dira. Beste 920.000 lagunek, herritarren ehuneko 2,1ak, ikusmen bajua dauka. Ikusmen urria daukienen aldeko lana egiten dau Begisare alkarteak.

Penintsulako lurrazpiko lakurik haundiena

Erabiltzailearen aurpegia

Santimamiñetik 100 metro azpira aurkitu dabe ADES Gernikako Espeleologia taldekoek. Oier Gorosabel taldekideak aurkikuntza zelan gertau dan eta lakua zelangoa dan kontau dau Lau Haizetara saioan.

Prest akzinorako? Prest Nagusi azokarako?

Erabiltzailearen aurpegia

Urriaren 17tik 19ra egingo da Nagusi Azokea 2014 BEC-en- Bizkaiko Foru Aldundiak belaunaldien arteko harremanak sustatzea izango dau helburu aintzinako jolasak eta teknologia barrietan ibilteko guneagaz. Sergio Murillo autonomia pertsonala sustatzeko eta dependentziaren harretarako zuzendariak azaldu deusku zer eskainiko daben.

"Hegaluze erdia lurreratu da aurtengo kosteran"

Erabiltzailearen aurpegia

Leandro Azkue Eusko Jaurlaritzako arrantza zuzendaria alkarrizketatu dau Ramon Basaldua lankideak "Kresala" tartean. Amaitu barri dan hegaluzearen kanpaineari buruz berba egin dabe eta bajurako flotaren egoera be zein dan bere eritzia emon dau.

Zinema Ikustezina

Erabiltzailearen aurpegia

"Film Soizalak" Zinema Ikustezinaren seigarren Nazinoarteko jaialdia urriaren 17tik 23ra egingo da aurten. "Invisible Express" bigarrenez egingo da. Normalean ikusi ezin izaten ditugun filmeak ditu ardatz jaialdiak. 

Bai, izarren hautsa gara

Erabiltzailearen aurpegia

Espazioaren nazinoarteko astean murgilduta gagoz eta Eureka! Zientzia Museotik supernoben inguruan egin deuskue berba. Larraitz Etxeberriak azaldu deuskunez, bai, bagara, izarren hautsa. 

Lo egin negar egin barik

Erabiltzailearen aurpegia

Begoña Sanz Euskal Herriko Unibertsitateko Fisiologia saileko irakasleak "Dormir sin llorar" liburuan parte hartu du eta Lau Haizetara kontatu deusku aukerea zelan sortu jakon eta liburuan emoten dabezan aholkuetako batzuk.

Europatik etorrita minbizia aztertzeko

Erabiltzailearen aurpegia

Cicbiogune-k antolatuta eguenera bitartean 120 aditu Bilbon izango dira minbizia aztergai daukan kongresuan parte hartzen. Batez be, minbizi zelulen elikatzeaz jardungo dabela aurreratu deusku Arkaitz Carracedok kongresuaren ganean galdetu deutsagunean.

Hiri Asko bere baitan

Erabiltzailearen aurpegia

Hiri asko bere baitan proiektua sortu dabe Asier Olabarrietak, Aitor Gomezek eta Unai Villenak. Bilboko udaleko Ideiak Martxan lehiaketan saritu zituen eta harrezkero proiektuan murgilduta dagoz. Hiriaren ikuspegi barria emoteko helburua dauaka ekimenak. Informazino guztia dago sarean: hiriaskoberebaitan.com