Laneko, Bizkaiko sagardau ekologikoa

Erabiltzailearen aurpegia

Gizaburuagan dagoen Laneko kooperatibeak egiten dau. 1996an eratu eben kooperatibea. Sagar ekologikoak erabilten ditue ekoizpenerako, eta horrez gain sagardaua egiteko prozesuan be baldintza zehatz batzuk bete behar ditue, araudiak bete behar dira. Urtean 80.000 litro inguru ekoizten ditue danetara, eta hortik 2.000 litro inguru dira ekologikoak.  

Gurutzetako ospitalean umeentzat zabaldu daben errehabilitazino zentrotik 40-50 ume igaroten dira egunero

Erabiltzailearen aurpegia

Honelako gela bat zabaltzeko beharrizana egoala esan deusku Lau Haizetara irratsaioan Maider Goenetxea fisioterapeuteak. 40-50 umeri laguntzen deutse egunean. Txikienak jaiobarriak dirala esan deusku Goenetxeak.

Santurtzin turismoak %6 egin dau gora

Erabiltzailearen aurpegia

Joan dan urteko turismoa datuak ikusita, pozik dago Santurtziko Udala. 21.800 pertsonak bisitau dabe udalerria. Danel Bringas kultura zinegotziak azaldu dauenez, udan joaten da jenterik gehien. Gainera, Itzuli Portura kanpaineak eragin handia izan ei dau. Turismoaren gorakadea %6koa izan da, Santurtzin, eta merkataritzeak be igarri dauela esan deusku Bringasek.
 

Basatosteak egiteko errezeta erraza

Erabiltzailearen aurpegia

Josu Barrenetxea Igorren jaiotako sukaldaria dogu, Durangon, Bilbon eta Bizkaitik kanpo makina bat lekutan behar egiten ibilitakoa. Basatosteak egiteko osagaiak zeintzuk diran azaldu deusku: esnea, orioa, azukerea, ogia... Gero baten batek be kanelea botetan deutsola azaldu dau Josuk. Errezetea oso oso erraza ei da.

Urko Aristi TOKIKOMeko presidenteagaz berbetan

Erabiltzailearen aurpegia   Jendartea

Urko Aristi kazetariak hartu dau TOKIKOMen presidentearen kargua. Toki komunikabideen bateraguneak bigarren Batzar Nagusian aukeratu dau Aristi Mikel Irizarren lekukoa hartzeko. Hasi barri dogun urte honetan eta bi urteko ibilbidearen ostean, TOKIKOM egitasmoa sendotzeko erabagia hartu dabe bazkideek.

Gianfranco Ravasi Vatikanoko kulturarako kardinala honoris kausa doktore izentau dabe gaur Deustuko Unibersidadean

Erabiltzailearen aurpegia

Zientziak eta erlijinoak alkarren ondoan biziteko beharrizana dabela esan dau izendapenerako aukeratutako berbaldian.
Sinisdunen eta ez sinisdunen arteko alkarrizketak bultzatu dauz Ravasi kardinalak 2012tik hona. Nazinoartean holango esperientziak Berlinen, Mexikon, Estokolmon edota Budapesten martxan jarri dauz.
Deustuko Unibersidadean foro hori be egitea aurreikusten dauela azaldu deusku gaur, unibersidadea bera goraitatuz.

Ravasik gaineratu dau pertsonetan oinarritutako ekonomia atsegin jakola, ez hainbeste merkaduei edota dibisei begira dagoana.

Aita Santuaren agintaldiari jagokonez Frantzisko Igoak komunikazinorako daukazan doaiak nabarmendu dauz.

Euskerea entzuten harritu eta ...

Zainduzen ikastaroak prest

Erabiltzailearen aurpegia

Zainduzek mendekotasuna daben pertsonak zaintzen dituen senideei eskaintzen deutse zerbitzua, besteak zein norbere burua zaintzen ikasi daien. Besteak ondo zaintzeko beharrezkoa da norbere burua be jagotea, eta askotan hori ahaztu egiten jake senide zaintzaileei. Danetariko ikastaroak eratu ditue zaintzaile horreentzako, bagilera bitartean egiteko. Informazinoa gura dauenak Durangaldeko Zainduz-era deitu leike, edota durangaldea@zaindu.eu helbidera idatzi.

Gianfranco Ravasi Kardinala Bilbon

Erabiltzailearen aurpegia

Kardinal eta Kulturarako Pontifize Batzordeko presidentea, Deustuko Unibertsidadeak Teologia Fakultadetik Honoris Causa Doktore  izentauko dau. Vicente Vide Teologia Fakultadeko Dekanoa da Deustun eta zera azaldu dau, Fedearen Urtearen amaieran eta Vatikanoko bigarren Kontzilioaren hasierearen 50.urteurrena ospatu eta gero, ekimen hau bultzatzea erabagi ebela. Ravasi Kardinalak meritu ugari dauka izendapenerako, egiten dauen guztian eredugarritasunez eta eraginkortasunez jarduten dauelako. Anjel Mari Unzueta Bizkaiko Bikario Nagusiak azaldu deusku nor dan Ravasi.

"Aulki hutsak" izeneko dokumentala ikusgai

Erabiltzailearen aurpegia

Doluari buruzko dokumentala egin dau Iñaki Peña zine zuzendariak. Pantaila handirako lanen zuzendari izateagaz batera zainketa aringarrietako osagilea be bada eta gai hurbiletik ezagutzen dau. Herririk herri dabil  "Aulki hutsak" izeneko dokumentala aurkezten eta orain arteko baloraizno positiboa egiten dau.

Bilboko Alde Zaharreko eta Bertan Baztaneko Merkatari alkartea batera

Erabiltzailearen aurpegia

Lehenengo aldiz, komunidade bi bateratu egin dira merkataritza eta turismoa bultzatzeko. Bertan Baztan eta Zazpikaletako Merkatari Alkarteak euren bezeroen fideltasuna sarituko dabe bi lagunentzako 10 asteburu zozketatuz.