Bizkaiko Foru Aldundiak Markos Gimenoren Karteletrak erakusketa antolatu du urriaren 7tik 31ra bitartean. Bisitak goizez zein arratsaldez egin ahal izango dira.
Urtero lez, aurten ere JA! Umorezko Literatura eta Artearen Nazioarteko Jaialdia ospatuko da Bilbon. Gaur hasi eta urriaren 20rarte iraungo du eta aurten, Franz Kafkaren heriotzaren mendeurrena izanik, modernismoaren idazle garrantzitsuenetako bat izan zena izango du muinean jaialdiak. Jaialdiko zuzendariek, Juan Basek eta Carolina Ontiverok, Kafka hautatu zuten 2024ko edizioko gai nagusitzat baina Kafkaz haratago, hamabosgarren edizio honetan hainbat egile estimatu itzuliko dira; hala nola Juan Villoro, Bernardo Atxaga eta Carlos Areces.
Deustuko eta Begoñako errepublikak Bilbora anexionatu zirenetik 100 urte pastau diren honetan, zenbait ekitaldi antolatuko dira urrian zehar. Ospakizun nagusia urriaren 20an izango da, eta horrez gain, museo bisita gidatuak, kakorratz-lana, eta zientzia berbalagunak egongo dira.
Urbanbatek antolatu du jaialdia, hirigintzan, arkitekturan, parte-hartzean eta hiri-eraldaketen ikerketan diharduen gizarte-ekimeneko kooperatibak.
Bilboko hainbat espazio dantza/performance, dramaturgia berriak edo antzerkia bezalako diziplinekin beteko dira urriaren 17tik 27ra. Jaialdiak hainbat estreinaldi eskainiko ditu.
Bere nortasuna ezagutu nahian dabilen gizon baten bakarrizketa bitxia, Alberto Iglesiasek zuzendua. Javier Ruiz de Alegria da protagonista, aktore eta margolari gisa.
Iaz euskaraz estreinatu ondoren, orain gaztelaniaz estrenatuko da endreduzko thriller politiko hau, bi aktorerentzat, espazio eta denbora unitate bakarrean. Urriaren 18tik 20ra Arriaga Antzokian