Edizio honetako proiektu nagusietako bat CTNNB1 gaixotasunerako terapia genikoko lehen saiakuntza klinikoa izango da. Irailaren 6tik 14ra Bilbon, Logroñon eta Arantzazun musika, dibulgazioa eta konpromiso soziala batuko dira.
Donna eta Dinamoak Bilbora iritsiko dira abuztuaren 14tik 21era, eta prest daude Arriaga Antzokiko publikoa dantzan jartzeko. ABBAren Dancing Queen, Gimme Gimme Gimme edo Super Trouper abesti arrakastasuak entzuteko aukera ezinhobea izango da uda honetakoa.
PIJAMA PARA SEIS antzezlana egongo da abuztuaren 20tik irailaren 7ra Euskalduna Jauregian. Fernando, bere emaztea, Mercedes, ama bisitatzera joan behar dela aprobetxatuz, bere maitalea, Susi, asteburua berarekin pasatzera gonbidatzen du, eta baita bere lagun bat, Carlos, aitzaki modura. Dena perfektua da, are gehiago, sukaldari bat, Susana, kontratatu du ezer ez zaiela falta. Baina gauzak ez dira espero bezala ateratzen, eta gau erromantikoa zena, gau nahasi bat bihurtzen da, non denek beste zerbait direla itxura egin behar dute. ‘PIJAMA PARA SEIS’ komedia korapilatsua da, aktore-talde paregabearekin: Gabino Diego, Isabel Gaudí, Amaia Vargas, Sabrina Praga eta Jesús Cisneros. Eszenatokirako egindako egitura zehatz bateko lana da, barre egiteko benetako metronomo bat. Obraren egilea genero honetako maisua da: Marc Camoletti, bere antzerki-lan guztiei erritmo zoro eta barregarria ematen dien dramaturgoa.
"Kortxoaren Dilema" ikuskizuna egongo da irailaren 6an eta 7an 19:30ean Pabellon 6en.Patxo Telleria eta Mikel Martinez aktoreak Mireia Gabilondo zuzendariaren aginduen menpe jarri dira Patxo Telleriak berak idatzitako komedia politiko honetan, aktualitate handiko egungo istorio bat kontatzeko. Gainera, Fernando Bernues-ek sinatzen du eszenografiaren diseinua.
LA LLAMABAN LOCA antzezlana egongo da abuztuaren 16tik irailaren 7ra 20:00etan Euskalduna Jauregian. Istorioa 70. hamarkadaren amaieran girotzen da Bilbon. Rosaren (Karmele Larrinaga) bizitza (emakume modernoa, azkarra eta independentea, zuzendaritzako idazkari bezala lan egiten duena eta hiriko erdigunean eroso bizi dena) goitik behera aldatuko da Fortunataren (Gemma Martínez) agerpenarekin. Azken hau Torralbilla herritik iritsi berria da eta hasieran bere nagusi eta, gero, bere lagunik onena izango den Rosarekin kontraste nabarmena sortuko dute euren ohitura eta bizimodu desberdinek.