Lagundu Zirika! sarea josten jarraitzeko!

Erabiltzailearen aurpegia   Kultura-aisialdia

Lagundu Zirika! sarea josten jarraitzeko!

Zirika! herri gunea bizirik dirau, herri mugimenduen zerbitzura, ideiak elkartrukatzeko eta konspiratzeko tresna bezala, bestelako Euskal Herria eta bestelako mundu bat posible dela pentsatzen dugunon topalekua. Zuen eskura dituzue bertako azpiegitura, liburuak eta finean daukagun material guztia, herri topaleku honetan jarduera eten ez dadin. Laster, bertan elkar ikusi eta besarkatuko dugu berriro, bilerek, eztabaidek eta hausnarketek bere lekua hartuko dute, eta bertan jarraituko dugu bizitza komunitarioa eraikitzen eta suspertzen. Horrela izaten jarrai dadin, geldialdi honen ondoren, gure bizitza-espazioak berreskuratzen ditugunean, laguntza eta elkartasuna beharko dugu berriro indarrak hartzeko.

Potemkin Zinema: "Neska bat bakarrik doa etxera gauez"

Erabiltzailearen aurpegia   Kultura-aisialdia

Potemkin Zinema: "Neska bat bakarrik doa etxera gauez"

Komite Internazionalistak erakundeak antolatuta, Martxoaren 8a dela eta, kritikari batzuek izendatutako lehen "western banpiriko feminista iraniarra" proiektatuko dugu martxoaren 1ean, igandea, arratsaldeko 19:00etan Zirika Herri Gunean. 

'Kilonbo kafea' abian Komite Internazionalistak-en eskutik

Erabiltzailearen aurpegia   Kultura-aisialdia

'Kilonbo kafea' abian Komite Internazionalistak-en eskutik

Kilonbo Kafea, hausnarketa eta praktika internazionalistatik sortu den ideia da, Komite Internazionalistetan azken 40 urteotan daramagun lanetik hain zuzen ere. Urtarrilaren 28an, arratsaldeko 19:30ean, Zirika! Herri gunean izango da lehenengo saioa, ez duzu asistentzia baieztatu behar.

Potemkin Zinema berriro martxan igande honetan!

2020/01/26 19:00

|Proiekzioa

Komite Internazionalistak erakundeak antolatzen duen ekimen horretan “Brassed Off / Tocando el viento“ ikusiko dugu. Mark Hermanek 1997an zuzendutako film britainiarrak Margaret Thatcherren garaiko meatzarien borrokak islatzen ditu. Komedia moduan kontatzen du zelan egiten diote aurre meategi baten musika bandaren kideek beraien lan-postu galtzeari eta banda, beraien pasioa, desagerpenari. Arrakasta handiko film horrek hamaika sari jaso zituen munduan zehar: Britainia Handian, Alemanian, Frantzian, Argentinan, Estatu batuetan eta Japonian. Potemkin Zinemaren saiora etortzeko gonbidatuta zaudete. Jakin ezazue, 2019ko urtarrilaren 26an, igandea, 19:00etan, Zirika Herri Gunean (Bilboko Erronda kalea 12) izango da. Ongi etorri guztioi!

La marea verde y feminismo en Argentina

2019/10/21 19:00

Datorren Urriaren 21erako, 19:00etan Zirika! Herri gunean, Argi Berdeak, Feministalde eta Komite Internazionalistak taldeek honako hitzaldi hau antolatu dugu: “La marea verde y feminismo en Argentina”. Gurekin, Celeste Macdougall izango dugu, historialari, sexu heziketarako irakaslea, eta Argentinako abortu legala, segurua eta doakoaren aldeko kanpainaren aitzindaria. Argentinako mugimendu feministaren nondik norakoaz hitz egiteaz gain, emakume haurdunentzat abortu legala segurua eta doakoa izateko aukeraren garrantziaz, eta honen inguruan izan duen esperientziaz ere hitz egingo digu. Abortu legala, segurua eta doakoaren aldeko Nazio Kanpainak 13 urteko ibilbidea du, 2004ko Mendozako Emakumeen XIX. Topaketa Nazionalaren ebazpenen ondotik sortu zen hain zuzen ere. Mobilizazio erraldoi hau, jendetsua, zirikatzailea, herrikoia, anitza, belaunaldi desberdinak biltzen dituena, nekaezina eta feminista da, zigorren eta kriminalizazioaren aurrean, bizitzak salbatzeko eta segurtasunik gabeko abortuen arriskuak eta kalteak murrizteko antolatu da. Marea berdea inspiratzailea izan da, emakumeek ez diote utziko bere lepoetan zapiak lotzeari Argentinan abortua lege izan arte, eta Amerika Latina eta Karibe osoko lurraldeetan honen inguruko legegintza-lorpenak izan arte hedatzeari ekingo dio.

'MOIO: gordetzea ezinezkoa zen' liburuaren aurkezpena

2019/10/16 19:00

|Aurkezpena

Aurtengo Urria Transarekin memoria ariketa bat ere egin nahi izan dugu Bizkaiko E28 Koordinadoratik eta beste ekimen batzuez gain, Kattalin Miner ere gonbidatu dugu gurera Moio: gordetzea ezinezkoa zen liburua aurkeztera. 

Aimar Elosegi Ansa gazte transexual hernaniarraren suizidioaren memoria ariketa bat da liburua. Kattalinek, jazotako hari "begirada politiko bat" eskaini nahi izan dio lan honekin. Aimarren inguruko bederatzi pertsonen testigantzak jasotzen dira liburuan, gertatutakoaren inguruko irakurketa politiko, pertsonal, sozial nahiz kultural ezberdinak batuz. Aimarren bizitzaren eta heriotzaren memoria ariketa eginez, gure gizarteko transfobiaren inguruan aritzeko aukera ematen digu Kattalinen liburu honek. Liburuaren zergatiaz, helburuez eta prozesuaren inguruan arituko gara Kattalinekin eta denon artean solaserako tartea ere izango dugu.

KAPITALA ALA BIZITZA

2019/05/27 - 2019/05/31

“Kapitala ala bizitza”, hori da “Komite Internazionalistak” erakundeak maiatzaren 27tik 31ra antolatu ditugun jardunaldien izenburua. Hurbildu nahi duen edonorentzat irekiak diren jardunaldi hauetan, egungo kapitalismoaren aurkako borroka-mota ezberdinak entzuteko, partekatzeko eta eztabaidatzeko aukera izango dugu. Besteak beste, Europar Batasunaren estrategia desmuntatzeko proposamenak, multinazionalen papera gure bizitzan edota Bizkaiko egoitzetako langileen borroka. Horretarako gonbidatu desberdinak izango ditugu gurekin: Josep Manel Busqueta, ekonomilari eta idazle katalana, "Taifa" Ekonomia Kritikoaren Mintegiko kidea; Lars Wehring konputazio kuantikoaren arloko ikertzailea, zientzilaria eta adimen artifizalaren aukeren eta arriskuen inguruko ekintzaile kritikoa da ere; Andy Higginbottom Londoneko Kingston Unibertsitateko nazioarteko politika, giza eskubideen eta justizia sozialeko irakaslea. Azken honek honako gaietan hainbat artikulu argitaratu ditu: esklabotza Afrikan, tamilen aurkako genozidioa Sri Lankan, inbertsioa Latinoamerikan eta dependentzia, inperialismoa eta megaproiektuak, meatzaritza Hegoafrikan eta imperialismo britaniarra, besteak beste. Euskal Herritik bertatik Onintza Irureta, “Argia”ko kazetaria, hizkuntza eta feminismoaren inguruko hainbat artikuluren egilea eta 378 egun iraun zuen grebaren Bizkaiko egoitzetako langileen testigantzak jasotzen dituen “Berdea da more berria" liburuaren egilea. Azkenik, OMAL (Multinazionalen Behatokia Latinoamerikan) erakundearen eskutik “Zer egiten dute multinazionalek zu lo zauden bitartean?” izenburupean hiru dokumental labur ikusi eta ondoren eztabaidatzeko aukera izango dugu. Ekitaldi guztiak Zirika! Herri gunean (Erronda Kalea, 12, Bilbo) izango dira 19:00etan.

POTEMKIN ZINEMA!

2019/04/28 19:00

Komite Internazionalistak erakundeak antolatzen duen Potemkin Zinemaren barruan igande honetan, hilak 28, 19:00etan Zirika! herri gunean José María Goenagak eta Jon Garañok 2010ean egindako filma, 80 egunean, ikusiko dugu. Txekiar Errepublikan, Italian, Frantzian, Alemanian, baita Donostiako Zinemaldian ere saritua, filma hori azken hamarkadetan Euskal Herrian egin den filmarik hoberenetarikoa da. Hilero egiten dugun bezala zinemaren bitartez leiho kritikoa zabaldu nahi genuke. Aukera ona eztabaidarako eta zinema desberdin baten esparru bat sortzeko.

POTEMKIN ZINEMA

2019/03/31 19:00

Datorren igandean Potemkin zinema zikloan “My sweet pepperland” filma ikusteko aukera izango dugu (bertsio originalean gaztelaniazko azpitituluekin). Basurren kokatzen da, Irakeko iparraldeko lurralde kurduan (Turkiako mugatik gertu). Maitasun istorio baten bidez lurralde honetan ohikoak diren hainbat kontu azalaratzen ditu filmak: Klan tribalen boterea (legea beraien esku dago), emakumearen papera gizarte horretan, ohorezko krimenak eta erresistentzia kurduaren borroka, besteak beste. Hiner Saleem zuzendu zuen 2013an eta Cannes eta Chicagoko festibaletan saritua izan zen.

BBVAren irabaziak odolez zikinduta daude

2019/03/14 - 2019/03/15

Datorren ostiralean, martxoak 15, ospatuko den BBVAren Akziodunen Batzarra dela eta, BBVAren Kontrako Plataformak eta Euskal Herriak Kapitalari Planto! Kanpainiak sentsibilizazio eta protesta ekimen desberdinak antolatu ditugu. Hauen bitartez, mahai gainean jarri nahi ditugu bere irabaziak lortzeko banku honek garatzen dituen zenbait jarduera, hauek eragiten dituzten ondorio larriak, eta baita ere euskal erakundeengandik jasotzen duen mesede-tratua. Horrela, martxoaren 14ean, osteguna, arratsaldeko 19:00etan hitzaldi bat burutuko dugu Zirika! Herri gunean (Erronda kalea 12, Bilbo), “La banca o la vida” lelopean. Bertan, Gasteizkoak Talde antimilitarista, Banca Armada eta Ongi Etorri Errefuxiatuak-eko La Guerra Empieza Aquí Batzorde-ko kideak hartuko dute parte. Beste alde batetik, martxoaren 15ean, ostirala, Akziodunen Batzarraren hasiera dela eta, protesta-elkarretaratze bat egingo dugu Euskalduna Jauregiaren aurrean goizeko 11:00etatik aurrera.