BADATOR HERRI DENDA 2018-2019!!!

2018/12/16 - 2019/01/04

Urtero bezala, kultura, hausnarketa eta konpromisoaren zale direnentzat, hitzordu garrantzitsua dugu Zirika herri gunean (Erronda, 12). Durangoko azokaren ostean, gabonetako ofertak alde batera utzita, kaleak argiztatzeko dirua xahutzeko beharrik gabe... Badator Bilboko kolektiboen Herri denda! Baina... Zer da herri denda? Herri denda azoka bat da, topagune bat, kolektiboek ditugun materialak eskaini, besteenak ikusi eta elkarrengandik ikasteko erabili dezakeguna. Herri mugimenduaren lana diruz sustatzeko aukera, arropa politenak eskuratzekoa, liburu eta disko berezienekin gozatzekoa... Hiru astez (Abenduaren 17tik Urtarrilaren 5era) Zirika! herri gunean (Erronda, 12) aurkituko dituzu, ordutegia 11:00/15:00 - 16:00/20:00 izango da. Besteak beste, gerren aurka, planetaren alde, internazionalismoan, presoekiko elkartasunez, sorkuntza librean, feminismotik edota komunikazioan lan egiten dugun taldeen materialak. Ireki atea eta sartu Bilboko Herri mugimenduaren azokara!

“Ejecuciones extrajudiciales en Colombia 2002-2010” liburuaren aurkezpena

2018/11/08 19:00

Azaroaren 8an, 19:00etan Zirika! herri gunean "Ejecuciones extrajudiciales en Colombia 2002-2010" liburuaren aurkezpena egingo dugu Eduardo Rojas idazlearekin. Kolonbiako Indar Militarrek publikoki erakutsi zituzten Soachako 19 gazte eraildakoak “borrokan hildakoak” bezala aurkeztu zuten, gero “gezurrezko positiboak” deituko zen kasuetako bat da. Hau icebergko punta besterik ez zen. Gezurrezko positiboak bezala, 4.475 gazte onartu ditu Fiskaltza Nagusiak; Colombia-Europa-EEUU Koordinazioak 5.763 kasu identifikatu ditu; biktimen erakunde batzuek 10.000 gazte eraildakoen frogak bildu dituzte. Liburu hau da hamarkada baten ikerketa eta erakusten du gezurrezko positiboak ez direla izan militarren akatsen emaitza edo Indar Militarren lagun bakar batzuen jokabideak, baizik eta praktika sistematika bat dela batailoi eta brigaden komandantei konprometitzen dena. Exekuzio estrajudizial hauek enpresa kriminal baten partea izan dira eta horietan parte hartu zuten ez bakarrik indar militarren partaideak, baita ere paramilitarrak, desmobilizatuak, armadaren informanteen sareak, taxilariak, erreserbistak, finkeroak,… Ikerketa honen helburua da milaka gizon-emakumeen sufrimenduaren aurrean Kolonbiako gizarteak ahaztu ez izatea ezta ere indiferentea izatea, batez ere, euren minaren aurrean oraindik egien hitzak ez dituztelako jaso gertatukoa eta zergatia ulertzeko.

Brasil, eta orain zer?

2018/10/17 19:00

Azken urte honetan Brasileko egoera politiko eta soziala nahiko gorabeheratsua izan da. Lularen espetxeratzea, abortoa ez onartzea, Marielle Franco ekintzaile feministaren erailketa, ustelkeria kasu desberdinak eta, orain, joan den urriaren 7an ospatutako hauteskundeen lehen biran Jair Bolsonaro ultraeskuindarraren garaipenarekin faxismoaren gorakada agerian geratuta. Brasileko egungo egoera aztertzeko eta herrialdearen berehalako etorkizunaz hausnartzeko, hurrengo urriaren 17an, asteazkean, 19.00etan Zirika! Herri Gunean gurekin edukiko dugu MST-ko kide Joâo Pompeu, gurekin azken gertaeren berrikuspena egin eta MST-ren egoera zehatzaz hausnartzeko.

Europa, errepresioa erantzun gisa. Zer espero dezakegu Biarritzen?

2018/10/10 19:00 - 20:00

Urriaren 10ean, 19.00etan, Zirika! Herri Gunean iaz Hamburgon burututako G20aren gailurraren gakoak aztertuko ditugu Andreas Beuth eta atxilotu eta espetxeratutako pertsonetako batekin batera. Horrez gain, aurten Biarritzen ospatuko den G7aren goi-gailurra izango dugu hizpide.

G7 osatzen duten Gobernu horiek dira kapitalismo basatia egunero aurrera eramaten ari direnak, langile, etorkin zein emakumeen aurkako neurriak erabakitzen eta gauzatzen (murrizketak, zor ordainduezinak,  merkatu librearen aldeko politikak...).

Beste behin ere, euskal herritarrok kaleak hartuko ditugu eta tinko erantzungo diogu bizitzaren aurkako munstro honi. 

G7 aren aurrean erantzun!

Zertan da herrialde katalaneko prozesua? Herri sektoreetatik begirada bat.

2018/06/20 19:30

Ekainaren 20an, asteazkenean, 19:30etan Zirika! herri gunea (Errondabide, 12) Komite Internazionalistak eta AldarriCATuz-ek "El primer dia d`octubre" dokumentalaren aurkezpena eta Procés-aren gora beherei eta egun herrialde katalanetan, eta bereziki, Katalunian, bizitzen ari den egoerari buruzko hitzaldi bat antolatu ditugu. Horretarako, La directa (eraldaketa sozialerako kazetaritza kooperatiboa) eta Erreferendumaren Defentsarako auzo eta Batzordeetako kideak gurekin izango ditugu.

Nazio askapen prozesuetan askapen sozialerako borrokei buruz hausnartzeko jardunaldiak

Erabiltzailearen aurpegia   Politika

Nazio askapen prozesuetan askapen sozialerako borrokei buruz hausnartzeko jardunaldiak

Komite Internazionalistak erakundeak urtarrilaren 29tik otsailaren 4ra arte Herriok bidean. Bide-orriak askapen nazional eta sozialerako jardunaldiak antolatu ditu Bilbon.

"El Rastro de Camilo" dokumentalaren aurkezpena

2018/01/18 19:00

Urtarrilaren 18an, 19:00etan Zirika! herri gunean El Rastro de Camilo dokumentala proiektatuko dugu, Colectivo Frente Unidoko kidea den Nicolas Herreraren aurkezènarekin. "El rastro de camilo" dokumentalak pertsonaiaren eta, bere heriotzatik 50 urte igarota, herrialdearen gainera argia dakarten azken zazpi urteotan aurkitutako aita Camilo Torres Restrepo-ren artxibo pertsonal eta historikoetan ezkutatutako historiak eta memoriak kontatzen ditu. Aldi berean, bere desagertutako gorpuaren inguruan ikertzen du, ELN talde iraultzailearen kide bezala 1966an borrokan eraila izan ostean militarrek ezkutatua. Armen erabileratik harago, bere ebanjelioen gaineko interpretazioa Teología de la Liberación mugimenduaren abiapuntu izango zen proposamen etiko nola bihurtu zen ikusiko dugu. Diego Briceño de Orduz-en dokumentala.

Hiru ekintzaile kurduen hilketa gogorarazteko elkarretaratzea

Erabiltzailearen aurpegia   Jendartea

Hiru ekintzaile kurduen hilketa gogorarazteko elkarretaratzea

Emakume Mundu Martxak eta Herri Kurduarekin Elkartasun Ekimenak kontzentrazioa egingo dute urtarrilaren 9an 19:00etan Bilboko Arenalean.

CETA EZ!

Erabiltzailearen aurpegia   Iritzia

CETA EZ!

#CETA itunaren berehalako onarpenaren aurrean guk EZ esaten diogu! Ekainaren 30ean, ostirala, elkarretaratzea egingo dugu Bilbon Arriaga plazatik.

'Zer da BDS kanpaina?'

Erabiltzailearen aurpegia   Jendartea

'Zer da BDS kanpaina?'

Bizkaiko BDS taldeko partaideak garen eragile eta pertsona ezberdinak, Israeli Boikot, Desinbertsio eta Zigorren Kanpainaren inguruan antolatu dugun tailer partehartzaile batera gonbidatu nahi zaituztegu.