Ekonomia-Lana

UTE Bilboko Argiak-en langileek greba egin dute lankide baten kaleratzearen kontra

UTE Bilboko Argiak-eko langileek greba eguna egin zuten astelehenean Bilboko udaletxearen parean kalera bota zuten langilearen berronarketa eta lan-baldintza hobeak eskatzeko. Asteartean, berriz, manifestazioa egin zuten. EITBren egoitzatik atera ziren udaletxeraino iritsi eta bertan elkarretaratzea egiteko.

Jardunaldiak antolatu ditu Eraginek larunbatean

Gazteon egoera salatzeko asmoz martxoaren 27an, larunbata, Eragin gazte prekarizatuen asanbladak jardunaldiak eta mobilizazioa antolatu ditu Bilboko Areatzan arratsaldeko 17:00etatik aurrera.

Hijas de la Cruz eskolako langileek greba egingo dute ostegunean

162 urteko ibilbidea duen Hijas de la Cruz ikastetxeak ikasturte amaieran ateak itxiko dituela adierazi zuen urtarrilaren hasieran. Bertako langileek greba eguna deitu dute martxoaren 25ean, lanpostuen defentsan eta ikastetxearen itxiera ekiditeko. 

Deustuko Etengabeko Arreta Gunea itxi dute

PREST! aldizkaria 2021-03-18 11:17   Ekonomia-Lana

Otsailaren 1etik aurrera Deustuko Etengabeko Arreta Gunea (EAG) gauez itxita dago. Osasun-langileak eta herritarrak kezkatuta agertu dira “berrantolaketaz mozorrotutako murrizketa” delakoan, eta kontrako protesta ugari egin dituzten arren, ez dute lortu itxiera ekiditea. Lehen arreta zerbitzua “ospitaleetako urgentziak arintzeko ezinbestekoa” dela iritzi dute, Bilbon gauez irekita zegoen bakarra zen, gainera.

Greba eguna gaur Deustuko anbulatorioan

SATSE, ELA, LAB CCOO eta UGT sindikatuek greba eguna deitu dute gaur Deustuko anbulatorioan. Otsailaren 1ean itxitako gaueko arreta zerbitzua berreskuratzea aldarrikatzeko, kontzentrazioa deitu dute 11:30ean osasun zentroko atarian eta 18:00etan manifestazioa abiatuko dute leku beretik.

‘Rider’-en lan egoeraren inguruko akordioa lortu dute gobernuak, patronalek eta sindikatuek

Produktuak plataforma digitalen bidez banatzen dituzten langileen lan egoera arautuko duen akordioa itxi zuten pasa den asteazkenean Elkarrizketa Sozialerako Mahaian Espainiako Lan eta Ekonomia Sozialeko Ministerioak, CCOO eta UGT sindikatuek eta CEOE eta Cepyme patronalek.

Greba deitu dute martxoaren 4an langile sozio-komunitarioen alde

“Zaintza-sistema publiko, duin, doako eta unibertsalaren alde” egiteko, greba eguna antolatu du martxoaren 4an LAB sindikatuak. Ostegunean manifestazioa deitu dute 11:30ean plaza Eliptikotik Udaletxeraino. Horrekin batera, kontzentrazioa deitu du Uribarri Prest! plataforma sozialak Funiko plazan 18:30ean, sozio-komunitarioko langileekin bat egiteko asmoz.

Langileak baldintza irregularrean izateagatik New York gozotegiko jabeak zigortu dituzte

CCOO sindikatuak jakitera eman duenez dokumentaziorik gabeko bost langileren eskubideak urratzeagatik Bilboko Buenos Aires kaleko gozotegiko bi jabeei bost hilabeteko kartzela-zigorra eta 40.000€ko isuna ezarri diete. 

Lau greba egun deitu dituzte ELAk, SATSEk eta SAEk IMQ Zorrotzaurre klinikan

Sindikatuek greba deitu dute IMQ Zorrotzaurren martxoaren 18, 22, 23 eta 24an, hitzarmenaren negoziazioaren blokeoa salatzeko. Adierazi dute enpresak bizi duen ziurgabetasun egoera eta COVID19aren pandemia argudiatuz, duela bi urtetik dituela izoztuta plantillako lan-baldintzak eta soldatak.

Espainiako Polizia LASeko bi kideren etxeetara joan dela salatu dute

Goizeko 08:00etan Espainiako Polizia Langile Autodefentsa Sareko bi kideren etxeetara joan dela salatu dute, asmoa bi kideak atxiltotzea zela adierazi du sareak twitterren. Etxean ez zeudela, "Gordonizeko komisaldegira joateko exigentzia egin diete". 

[Informazio gehiago jaso ahala albistea eguneratuko dugu] 

Etxegabetzeen aurkako dekretuaren eta etxebizitza arazoaren gaineko hausnarketak: langile klasea salbatzeko ala espekulazioa berraktibatzeko neurriak?

Iragan urteko abenduaren azkenetara onartu zen “etxegabetzeen aurkako dekretu” izenez ezagutzen dena Espainiako Estatuan, langile klasea salbatzeko neurria bailitzan emanez beronen berri, zalaparta handiz. Alabaina, patxadaz aztertuz gero, eta halakoetan gertatu ohi den legez, urrutiko intxaurra gerturatu eta lau. 

AP-68 autobidearen doakotasunaren aldeko sinadura bilketa abiatu dute

AP-68 autobidean dagoen bidesaria doakoa edo diru-laguntzen bidez ordaindua izan dadin, sinadura bilketa hasi dute.

Soldata arrakalaren kontrako eguna da gaur

Otsailaren 22a emakume eta gizonen soldata berdintasunaren aldeko eguna izanik, gaur egun emakume eta gizonen arteko ezberdintasuna eragiten duen faktoreetako bat soldata diskriminazioa dela gogoratu du Emakundek. Soldata arrakala Europan %17,4koa dela adierazi du, hain zuzen ere.

Langile Autodefentsa Sareko 4 kide komisaldegira eraman ditu Polizia Nazionalak

Bilboko Langile Autodefentsa Sareak adierazi duenez, gaur goizean Polizia Nazionalak 4 kide deklaratzera eraman ditu. Gordoniz kaleko 8. zenbakian dagoen komisaldegira hurbiltzeko deialdia zabaldu dute. 

Kutxabankeko langileek greba egingo dute lan-hitzarmenaren alde

Greba deitu dute gaur arratsaldean ELA eta LAB sindikatuek eta 17:30ean kontzentrazioa egingo dute Kutxabanken egoitzaren aurrean (Don Diego López Haroko Kale Nagusia, 30) Negoziazioa eskatzen dute langileek, “lan-eskubideak murriztuko ez dituen hitzarmen duin bat adosteko ezinbesteko urrats gisa”.