"Jone, batzuetan", Sara Fantova zuzendari bilbotarraren lehen pelikula, irailaren 12an zinemetan
ira 09 Bilbo
Sara Fantova Barrena zuzendari bilbotarraren Jone, batzuetan filma irailaren 12an, ostiralean, estreinatuko da zinemetan. Pelikularen ardatza Jone da, 20 urteko gazte bat, Kaskagorri Konpartsako kidea, bere aita eta ahizpa txikiarekin bizi dena. Bilboko Aste Nagusian murgilduta, Olga ezagutuko du, bere lehen maitasuna, eta aldi berean aitaren Parkinsonaren ondorioak ustekabean areagotuko dira.
Sara Fantova Bilboko San Frantzisko auzoko gaztea da. Bartzelonara joan zen zinema ikastera, Jone, batzuetan bere lehenengo pelikula da. Bilbon grabatu zuen orain dela bi urte, 2023an, Bilboko Aste Nagusian. Pelikularen inguruko xehetasun gehiago ezagutzeko filmaren zuzendariari, Sara Fantovari, elkarrizketa egin diogu.
100 ontzik baino gehiagok adierazi dute Palestinaren aldeko elkartasuna Bilboko itsasadarrean
ira 09 Bilbo
Bilboko itsasadarra 100 ontzi baino gehiagorekin bete zen pasa den larunbatean, hilak 6. Ibilbidean zehar ere milaka lagunek babesa adierazi zuten, eta mezu argi bat plazaratu zuten guztiek batera: Palestinako herria ez dago bakarrik.
