Maximo, Amado eta Satur Aramendia anaiak Urbasako artzainak ziren eta Begoñaraino etortzen ziren ardiekin negua pasatzera. Horrela egin zuten 1954tik 1958ra bitarte, lehenengo urteetan oinez egin zituzten 100 kilometro horiek ardi guztiekin. Artxandako eta Txurdinagako zelaietan egoten ziren abendutik apirilera. Txurdinagako auzoa izango zena 1970ean urbanizatu aurretik, noski.

Testua: Aramendiatarrak (Kristina, Elias, Nekane eta Ima Aramendia), Trini Lopez de Lubiria eta Kepa Sarasola (CC-BY-SA)
Argazkiak: Nekane Aramendia eta Kepa Sarasola (CC-BY-SA)

Bilboko 12 istorio izkutu hurbiletik ezagutzeko aukera eskaini zuten Bilboko Konpartsetako kideek atzo, hilak 18, BIRA Kulturgunean egindako aurkezpenean.