Joan den ekainaren 3an, Donostiako Ospitale atarian egindako agerraldiaren bitartez, Osasungintza euskalduna, behingoz! kanpainaren baitan egindako sinadura bilketaren berri eman zuten. Aintzat osasungintza euskalduntzeko mugimenduak eta Euskal Herrian Euskarazek, elkarlanean, zortzi puntuko manifestua osatu dute eta osasungintzako 501 langilek atxikimendua eman diotela adierazi zuten.

Hala, astearte honetan Basurtuko Ospitalean egindako agerraldian publiko egina duten manifestuaren aldarriak jarri dituzte mahai gainean eta osasungintza euskaldunaren alde mobilizatzeko deia egin dute.

Intza Gurrutzagak, Euskal Herrian Euskarazeko kideak, eta Adrian Zelaiak, Aintzat osasungintza euskalduntzeko mugimenduko kideak, adierazpenak egin dituzte.

126 gaztek Euskal Herriko txoko ezberdinak zeharkatuko dituzte uztaila osoan zehar. Gaur hasi da Atharratzen eta guztira 27 herritan pasako dute gaua. Bilbora uztailaren 30ean iritsiko da busez, Bermeotik Bakiora etapa egin ondoren.