Euskarabenturako neska-mutilak Bilbora iritsiko dira bihar

Bilbo

Hilabete hasieran Mauletik abiatu zen Euskarabentura espedizioa azken txanpan sartu da jada. Bada, bihar iritsiko dira gazteak Bilbora, Gernikatik autobusez etorrita. BBK Kuna Gizarte Berrikuntzaren Gunea eta San Mames zelaia ezagutuko dituzte, eta Atletic Genuine taldeko kide batekin solasaldia izango dute. Gaua hiriburuan igaro ostean, igandean Getxorantza abiatuko dira, bertan egingo baitute amaiera ekitaldia.

Finantza entitateek Euskaraldian parte hartuko dute beste behin ere

Bilbo

Sei banketxetako ordezkariek agerraldia egin dute beren erakundeetan hizkuntza ohiturak aldatzea xede izango duen ekimenarekiko atxikimendua adierazteko. Udazkenean egingo da Euskaraldiaren hirugarren edizioa, eta oraindik martxan dago entitateek arigune edo euskaraz hitz egiteko aukera bermatzen duten eremu gisa izena emateko epea.